DUUCA 11:4 - Wanaadi A'deddu

⁴ Ñaa cone’nadiiyö encwanno’jocä, ñaa mmaja tameedä töjääcä conemjönö tödöödö tönencwanno’jo ñaa weneenedööje mmaja. Ñaa mäiñunaacajoi’che; tösancwajoone ñaa sancwajoocä conemjönö jonno; quee caichäcä’de; quee cönä’döaaca Jesuuquidiito.

DUUCA 11:4 ပူးပေါင်းရင်းမြစ်များ

MATEO 18:35

“Mädääje mmaja Jaaja caju ñano ayöödöaato’de änwanno, ajimmotoncomo cone’nadiiyö anencwanno’jo’da aweiya’comjäcä; quee cönä’döaacä Jesuuquidiito tönoowanoomadö wwäiñe.

MATEO 26:41

Äädai’chätääcä; Wanaadi wwä adha’deutäcä, mä’yunaacajooto’no. Jäduuje awei’she aweichaameiñe, ajuunucoomo mmaane jäduuje’da na; quee cönä’döaacä Jesuuquidiito.

DUUCA 11:5

Edääje mmaja cönä’döa’dea chäwwäiñe: —Edääje yeiya’jäcä naadö naane’: Anejja yo’tawääne töweichacoono döiña iicha’jäcä uu e’ca’e, edääje ä’döjai ñaadö naane’ yaawäne’: “Aaduwaawä ecauwö’jödö uu änne’cä.

DUUCA 13:4

¿Ñanno ’na, juujatonnoto de’wä aaduwaawo’como soto Siidoé ña cönä’jajoichodö, yää maa cawooto ye’cäiñe cöne’ducaichawä? ¿Conemjöncomo’cä jaiñoone atäi cha mecaanö’ato, tameedä anejjacoomo Jeduusadén ñancomo e’jodheiñe?

DUUCA 22:46

Töwö cönä’döaacä chäwwäiñe: —¿Aaquene mädä wa’cä ännö’cato dea? Ä’jätääcä; Wanaadi wwä adha’deutäcä, mä’yunaacajooto’no; quee Jesuuquidiito cönä’döaacä chäwwäiñe.

DUUCA 8:13

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää. Tömiiche’daane tönwanno. A’dhe mma necaanö’aato; wä’yunaacajoonä cu’nädö awä ne’nomjaato yaawä.

JUAN 17:15

Edä nono de’wonno adääcoto, quee a’dö’da wa äwwä; Odo’sha wwä ewontäcooto, queene wä’döa.

1 CODINTIYO 10:13

Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.

2 TEESADOONISENSE 3:3

Chäänöngato ñäädä Cädhaajotoncomo. Töwö äjäädu’taato’de; adheewontaato’dede conemjönö wwä.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

SANTIYAACO 2:13

Ñäädä wentumje äneeneijönö wentumje’da mmaja nä’mencaja’de. Ñäädä wentumje eneenei mmaane tösaade’da eijai ña töwä’mencajoodawä.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.