DUUCA 11:26 - Wanaadi A'deddu

²⁶ Töwö nöta yaawä töjimmä wetäiñe. Aacä amoojato odo’shancomo nene’aato yaawä, cone’daiñe’cä jeene tönwanno. Yaawä tönwanno nomongaato ñäädä soto aca, töweejata’tädööcomo wetä. Yaawä ñäädä soto wecoone’maajä na awa’de töwei’jödö e’jodhe’cä jeene; quee cönä’döaacä Jesuuquidiito.

DUUCA 11:26 ပူးပေါင်းရင်းမြစ်များ

MATEO 12:45

Töwö nöta yaawä töjimmä wetäiñe. Aacä amoojato odo’shancomo nene’aato yaawä; cone’daiñe’cä jeene tönwanno. Yaawä tönwanno nomongaato ñäädä soto aca, töweejata’tädööcomo wetä. Yaawä ñäädä soto wecoone’maajä na awa’de töwei’jödö e’jodhe’cä jeene. Mädääje nä’döaato’de canno soto conemjöncomo, eduuwa naatoodö.

MATEO 23:15

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töötä määnetääne tameedä nono weichö wa’cä, äwäätunnäichomo nönge soto owaanomaiñe. Äwwäiñe owaanoma’jäcä wa’to nwaca töötäämöje mödööato yaawä, änöngeiñe mmaja, cone’da’cä jeene.

DUUCA 11:25

Yaawä iiña mmaja töwä’döa’jäcä täwöötö’jödö nedanta maa töseemeeca ñängajä eijai ñaadöje, töcoonecaajä’e mmaja.

DUUCA 11:27

Yääje Jesuuquidiito wä’dötaame, tooni wodi ñanno soto do’tacaiñe töcä’de cöna’deuwöi; cönä’döaacä chäwwä: —Ta’cwaiñe eijai ña ñäädä wodi adhennuichanei’jödö, ñäädä imaanatöödö mennedö; quee cönä’döaacä.

JUAN 5:14

Äcuude Jesuuquidiito tönaadonca’jödö cöneejodöi Wanaadi weichojo taca; cönä’döaacä chäwwä: —Amäädä töwaadonca ma eduuwa. Conemjönö mma männöi’che eduuwa, anejja conemjönö’cä jaiñoone äjääcä e’ducca’no yaawä; quee cönä’döaacä Jesuuquidiito chäwwä.

1 JUAN 5:16

Conemjönö tödöödöje töweichacoono eneea’jäcä anejja wwä, wäämato’jönö mma iiñödö yeiya’jäcä, töwö Wanaadi wwä a’deujai ña yaawä töweichacoono jäcä. Ñäädä weichö Wanaadi nu’a’de yaawä, wäämato’jönö mma iiñödö yeiya’jäcä. Töweiye na conemjönö tödöödö wäämatoojo. Yää nöngato jäcä’daane wecamma chääjäcä Wanaadi wwä wa’deunä.