DUUCA 11:1 - Wanaadi A'deddu

¹ Yääje mma yaawä Jesuuquidiito Wanaadi wwä cöna’deuwacä. Ya’deuwödö yä’ca’jäcä tooni ñoowanoomadö cönä’döaacä chäwwä: —Cajiichaana, ñaa owaanomaacä Wanaadi wwä wa’deunä jäcä, Juan tönoowanoomadö cönoowanoomaichodööje mmaja; quee.

DUUCA 11:1 ပူးပေါင်းရင်းမြစ်များ

DUUCA 10:42

Tooni mma na tujunnato jaiñoone. Madía mmaane aashichaato nijumma. Yää que ätänwajiiñajo’da na’de; quee cönä’döaacä Jesuuquidiito.

DUUCA 11:2

Jesuuquidiito cönä’döaacä chäwwäiñe: —Awa’deuwödaawäiñe edääje caichäcä’de: Jaaja caju ñano, Töwaanadiiyöcoomoje adhe’tä’ña’to soto; töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

DUUCA 6:12

Yääje mma yaawä Jesuuquidiito cöntämä jöö de’cäi, Wanaadi wwä a’deuwe. Iiña coijaicho cömja’do’joi, wa’deunäje.

DUUCA 7:13

Ñäädä wodi töwwä eneea’jäcä, Cajiichaana Jesuuquidiito wentumje cöneeneaacä; cönä’döaacä chäwwä: —Maamoi; quee.

DUUCA 7:19

Juan cöna’dejjaicho yaawä aacä tönoowanoomadö; cönenno’jaicho Jesuuquidiito ecamma’jo: “ ¿Ñäädä ca amäädä Äwaanacaanei, töwe’emööje tacaade naadö, anejjaane ñaa niyoomo’canä?” quee ecamma’jo.

DUUCA 9:18

Yääje mma yaawä Jesuuquidiito töudäje Wanaadi wwä ya’deuwödaawä, ñoowanoomadö chääjadä cönä’ja’to. Töwö cöneecamma’joicho: —¿Änääcöje soto ye’tätä weneeneto? quee cönä’döaacä.

DUUCA 9:28

Yääje mma yaawä aaduwaawä amoojato anooto yääje töwa’deuwö’jeje, Jesuuquidiito cöntämä jöö de’cäi, Wanaadi wwä a’deuwe. Chääjadä cönä’ja’to Peedhodo, Jacoowo mmaja, Juan mmaja.

EEWEDEO 5:7

Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.