DUUCA 10:3 - Wanaadi A'deddu

³ Ojoncomo eduuwa; öwö manaanontaato. Änwanno maato’de oweeja mado antawäiñe eijai ñaatoodöje.

DUUCA 10:3 ပူးပေါင်းရင်းမြစ်များ

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MATEO 10:22

Tameedä soto aquiiñeme’cato’de sootoije aweichöcoomo jo’tädööje. Ñäädä yaatameedö jonaane shinchänei nääwanaaca’de.

MATEO 7:15

“Äädai’chätääcä ecammajä’nnamo chäänöngemjöncomo jäcäiñe, ñanno Wanaadi woija’como wätä’tädö. Tönwanno ne’aato’de adhencu’täiñe, oweeja nönge’jödö mma, tääde’cwademjöncomo wa’cä, madooje töweichaameiñe.

DUUCA 10:4

Acanwaichomo mma manaadätäi’che, jödaata ewöötö mmaja, asaajatuichomo mmaja manaadätäi’chede. Ääma taawä soto jadäiñe owoojodööa’comjäcä, numa mma adha’deujä’täi’che chääjadäiñe.

JUAN 10:12

Ñäädä täjeemadö jäcäinchädä mma oweeja edai’chänei mmaane to’nomja mma oweeja ne’nomjaato mado weejödö edanta’jäcä; näänejeea yaawä, oweeja edai’chänei ñeeneje’da töweijäcä, töwwonooje’da yeichomjäcä mmaja ñanno oweeja. Yaawä ñäädä mado oweeja neecajä’aato, nemeecantajaato dea.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

DOSECHO 20:29

Yää ’jeje öncäcäädä adhantawäiñe naato’de quedeiyentecoomo acoicha’sa’como, mado tääde’cwada’como oweeja tönaacoichaiñe töweiye naichodööje.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

DOSECHO 9:2

Jajeeda imennaajä cöne’catäi chäwwä Damaacu ña töötotoojo quedeiyente ujiiyeiñe, Jeduusadén ña jedeesoje eneejödööcomo wetä yaawä, dhanwaacomo, wodiiñamo mmaja.