Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DUUCA 10:22 - Wanaadi A'deddu

22 “Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

အခန်းကိုကြည့်ပါ။ ကော်ပီ




DUUCA 10:22
20 ပူးပေါင်းရင်းမြစ်များ  

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.


Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.


Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.


A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.


Tameedä öwö öwwoncomo amäädä äwwoncomooje naato dea; tameedä amäädä äwwoncomo öwö öwwoncomooje naato dea. Tönwanno chaiñe täne na aashicha weichö.


Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.


Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.


Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.


Yuumö wwä Tönnedö tujunne na; töwö cönnöi tameedä cajiichaanaje.


Yaawääne yaatameedö na’de. Yaawä Quidiito nacoichaja’de tameedä cajiichaanaje weiñä, acu’shänääje weiñä mmaja, jäduuje weiñä mmaja. Töwö Tumö Wanaadi wwä nu’a’de yaawä cajiichaanaje weichojo.


Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.


Töwö Wanaadi Quidiito cönnöi tameedä jäduuja’como e’jodhe, cajiichaanacoomo e’jodhe mmaja, o’jodha’como e’jodhe mmaja, acu’shänääcomo e’jodhe mmaja, tameedä anejjacoomo soto e’jodheiñe mmaja, eduuwa weiñä naadawä mma’da, äcuude weiñä na’dedö awä mmajaane.


Tameedä cajiichaanaje mödööne; quee Wanaadi a’deddu imennaajä nä’döa. Wanaadi cönnöi soto tameedä tönnödö edhaajäje töweiyemööje; cho’jodhe töweiyemö ännö’da cöneiyacä, töwäädä o’jodhe soto weichö ääne’da dea naane’ cöwwäiñe.


Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.


Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ