DUUCA 10:20 - Wanaadi A'deddu

²⁰ Yääje yeichaame odo’sha onontätäiñe yeichö jäcä’daane ta’cwaiñe eijai maato, caju ña adheetöcoomo tömennä yeichö jäcäinchädääne; quee cönä’döaacä Jesuuquidiito.

DUUCA 10:20 ပူးပေါင်းရင်းမြစ်များ

MATEO 10:1

Yääje mma yaawä Jesuuquidiito cöna’dejjaicho tönoowanoomadö, ñanno amoojadooto de’wä aaco’como. Chäwwäiñe cuntui ijääduduucomo, odo’shancomo ija’canö’joto’como, tameedä cädäi ejiichö’totoojo mmaja, tameedä se’nato ejiichö’totoojo mmaja.

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

MATEO 27:5

Yaawä Juudha jödaata cömjajoi Wanaadi weichojo tawä. Cöntämä yaawä töwä’jöncö’cadööje mma.

JIDIIPENSE 4:3

Äwwä mmaja yääje wä’döa dea, amäädä weetadaawa’cajoodö weichacoono chäänöngato: I’wa’täcooto ñanno wodiiñamo, we’toichodö. Tönwanno ö’wa’täneeto aashichaato wätunnä ecammajäätödö jäcä. Quedeemente mmaja i’wa’täcä’dede, anejjacoomo ö’wa’tännamo’jödö mmaja, chäätöcoomo naadö weichojo jajeedai’chädö jäcä.

EEWEDEO 12:23

Wanaadi nnacoomo we’jumma’como wwadäädäiñe mmaja, ñanno caju ña chäätöcoomo tömennä naadö. Wanaadi wwadäädä mmaja me’täne dea, ñäädä tameedä soto emmencaneichomo, aashicha’como do’tadööcomo wwadäädä mmaja, ñanno Wanaadi nichoonecaadö,

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.

APOOCADIISI 21:27

Conemjönö ataamonno’jo’da na’de yää jataaca yeichöje. Omoomö’da naato’de nossaja’como tö’tajäätödö, äncu’tännamo mmaja. Ñanno mmaane nomongaato’de, chäätöcoomo töweiya’como Oweeja nnedö’cä jajeedai jäcä, yää weichojo jajeedai’chädö jäcä.

APOOCADIISI 3:5

Ñäädä e’jodheinchanei’jödö tajääde’dato yoomöje na’de; chäätö anaajuudä’da wa’de weichojo jajeedai’chädö jäconno. Öwö wecamma’de sootoije yeichö Jaaja wwä, Jaaja amoodedö netaadöcoomoje mmaja.