DUUCA 1:42 - Wanaadi A'deddu

⁴² Töwö töcä’de cöna’deuwöi; cönä’döaacä Madía wwä: —Wanaadi nutuudu aashichaato äwwä na, tameedä wodiiñamo wwäiñe yeichö e’jodhe. Ännedö wwä mmaja aashichaato u’ajä na’dede, ñäädä awenwaca naadö.

DUUCA 1:42 ပူးပေါင်းရင်းမြစ်များ

DUUCA 19:38

cönä’döa’to: —Aashichaato määdhä Cajiichaana, Cädhaajotoncomo eetö joiño we’ajä. Caju ñancomo wwäiñe täncanoode’da weichojo na. Aashichaato ñäädä Wanaadi; quee cönä’döa’to.

DUUCA 1:28

Ñäädä amoode cönä’döi yaawä Madía döiña; cönä’döaacä chäwwä: —Ta’cwaiñe eijai ma amäädä Madía. Cajiichaana ajaadä na. Wanaadi nutuudu aashichaato äwwä na, anejjacoomo wodiiñamo wwäiñe yeichö e’jodhe; quee cönä’döaacä amoode.

DUUCA 1:48

wentumje yeene’jödö weijäcä chäwwä, dho’noncomooje weichaame öwö dhanoonö. Eduuwa naadö jonno tameedä soto ye’taato’de Wanaadi ni’wa’tädööje,

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

DUUCA 1:41

Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä.

DUUCA 1:43

¿Aaquene mädä wa’cä aashichaato nä’tuaanä öwwä, Yeedhajä dhenö öwwadäädä neejädö naane’ ?