DUUCA 1:32 - Wanaadi A'deddu

³² Töwö täneejuque na’de. O’jodhaato nnedööje nätä’täja’de. Cajiichaana Wanaadi nu’a’de chäwwä cajiichaanaje yeichojo, dhadai’jödö Dawí cönä’ja’döje mmaja.

DUUCA 1:32 ပူးပေါင်းရင်းမြစ်များ

MATEO 1:1

Edä yää jajeeda imennaajä, Jesuuquidiito adai’chomo’jödö eetöcoomo. Jesuuquidiito cönä’jaacä Dawí weichö, Aawadán weichö mmaja.

MATEO 12:42

Yaawä, wätämmencajootojo anooto awä mmaja, ñäädä wodi, shii weja’catoojo suda’wawoono cajiichaana mmaja conemjöncomooje ne’taato’dede canno soto eduuwa naatoodö, yäätäcamma’jojoodawäiñe. Ñäädä wodi amoinchenno cöneejä tösejjeque Saadomón wa’deuwödö eta. Saadomón e’jodhaato’cä jaiñoone eetä na eduuwa.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MAADOCO 14:61

Äucwätä’da cönä’jaacä Jesuuquidiito yaawä; aneccujäätö’da cöneiyacä. Yaawä ñäädä Wanaadi wwä töwa’deuwaamo edhaajotoncomo cöneecamma’joi chea: —¿Ñäädä ca amäädä Äwaanacaanei, Wanaadi Aashichaato nnedö? quee cönä’döaacä.

MAADOCO 5:7

Töwö töcä’de cöna’deuwacä Jesuuquidiito wwä; cönä’döaacä: —¿Ane’cotoojo caquiimaanä, amäädä Jesuuquidiito, Wanaadi o’jodhaato nnedö? Wanaadi netaadöje yääje wä’döa äwwä, cämmaminchai; quee cönä’döaacä.

DUUCA 1:15

Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 1:76

Amäädä shiichu’cä, Wanaadi o’jodhaato wa’deuwödö ecammaneije mätä’täja’de, Cajiichaana owaajo töötäämöje aweijäcä, chäämadö choonecaaneije,

DUUCA 3:16

Juan cönä’döaacä tameedä chäwwäiñe: —Öwö wautisaaje männöaato tuna que. Ñäädä öncäcä ne’a’nei mmaane Epíiditu Santo que wautisaaje ayöödöaato’de, wa’to que mmaja. Töwö jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

JUAN 12:34

Yaawä soto cöneccujä’a’to; cönä’döa’to: —Ñaa jajeedai necamma yeichöje Äwaanacaanei weichojo. ¿Aaquene yääje mä’döaanä, Soto nnedö natannä’ja’de; quee? ¿Änääcö ca ñäädä Soto nnedö? quee cönä’döa’to ñanno soto.

JUAN 6:69

Ñaa maneecanö’a; ñaa owaanäcä na Äwaanacaaneije aweichö, Wanaadi nudooto nnedööje aweichö; quee cönä’döaacä Simón Peedhodo Jesuuquidiito wwä.

DOSECHO 16:17

Ñäädä ajei’choto’jaato Paudo ncäcä töwäämannä’e cönä’jaacä, ñaa ncäcä mmaja. Töwö töcä’tömjä’e cönä’jaacä: —Wanaadi o’jodhaato anoonö canno dhanwaacomo. Tönwanno wääwanaacatoojo necammaato äwwäiñe; quee töwä’döe cönä’jaacä soto wwäiñe.

DOSECHO 2:30

Töwö Dawí cönä’jaacä Wanaadi a’deddu ecammaneije; töwö dhowaanäcä cönä’jaacä töwwä Wanaadi necamma’jödö tatöödöje Äwaanacaanei weichojo, tönwacaanoje cajiichaanaje yeichojo mmaja.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 7:48

Ñäädä Wanaadi o’jodhaato amääque amääajä tawä ei’cha yeichaame. Edääje Wanaadi wa’deuwödö ecammanei nimennä’jödö nä’döa:

DOMAANO 1:4

Töwäämaajo jonno Jesuuquidiito waadoncadö que Epíiditu Santo cöneecadeeme’joi Wanaadi nnedö jäduujatooje yeichö.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.