DUUCA 1:17 - Wanaadi A'deddu

¹⁷ Ñäädä Juan Cajiichaana owaajo necammajä’a’de. Edía jäduudu cönä’ja’dö wa’cä mmaja ijäädudu na’de, chö’tajäätödö chäänönge mmaja. Töwö soto niyäätuujaato’de töwenneca’como tötö’tajäätödööcomo iiñacaiyeto tönnacontoncomo wwadäädä, Wanaadi waanontädö tödö’semjöncomo mmaja oowanoomaiyeto Wanaadi woije töweichöcoomo jäcä. Mädääje töwö soto nichoonecaato’de Cajiichaana weejödö owaajo; quee cönä’döaacä amoode Saacadía wwä.

DUUCA 1:17 ပူးပေါင်းရင်းမြစ်များ

MATEO 11:14

Ecamjö’se aweiya’comjäcä ecaanö’jai mmato edääje wä’dödö äwwäiñe: Juan ñäädä Edía, ye’tojo tacaade cönä’ja’dö.

MATEO 14:4

Edääje Juan töwä’döe cönä’jaacä Edoodhe wwä: —Cone’da mädä adhaacono jiñamo dö’tä aweichö; quee.

MATEO 3:3

Ñäädä Juan cönä’jaacä chääjäcä Isaía cömmennäichö, ñäädä Wanaadi wa’deuwödö ecammanei. Edääje cömmennäi Isaía: Töcä’de dha’deddu nääta’de jata ’jemjönö aca: “Choonecaatäcä Cajiichaana eemadö; chäämadö sha’duminchatääcä; quee dha’deddu nääta’de; quee Isaía cömmennäi.

MATEO 3:4

Juan womö cönä’jaacä cameeyu ’jotö töca’ajä. I’ya’mötö cönä’jaacä odoocojaato ji’jämjödö. Dhotö cönä’jaacä cödaatai. Yoocödööje cönä’jaacä wanä weccudui.

DUUCA 1:16

Töwö niiñacaanö’jaato’de jooje iisadaaediitacoomo Tädhaajotoncomo Wanaadi wwadäädä.

DUUCA 1:76

Amäädä shiichu’cä, Wanaadi o’jodhaato wa’deuwödö ecammaneije mätä’täja’de, Cajiichaana owaajo töötäämöje aweijäcä, chäämadö choonecaaneije,

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

JUAN 1:34

Öwö weneeaqueene yaawä, yääje yeijäcä wecamma Wanaadi nnedööje yeichö; quee cönä’döaacä Juan Wautiita.

JUAN 3:28

Änwanno odhoowanääcäiñe wääcamma’jödö: “Äwaanacaaneijönö öwö, dhowaajo anontaajäje mma;” quee wä’dö’jödö.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

2 TIIMOTEO 2:21

Mädääje mmaja quedeiyente; aashichaato tödööneije töwei’she töweiya’jäcä, chäänönge Cajiichaana anoonöje töwei’she töweiya’jäcä mmaja, töwö ecoccajai ña tameedä conemjönö jonno. Yaawä töweesomaajä’e na’de aashichaato tödööneije.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

APOOCADIISI 20:4

Yaawä weneeaqueene wanna mude, ye’woncomo wataajimaadö mmaja. Chäwwäiñe u’ajä cönä’jaacä soto emmencato’como. Weneeaquento dea ñanno Jesuuquidiito a’deddu ecammajäätödö jo’tädööja’como ijöncä’jä’a’como’jödö ecaatocoomo, ñanno Wanaadi a’deddu jo’tädööja’como wä’jajo’jocoomo, ñanno odoocojaato änwa’deme’jöncomo’jödö, chu’taajä mmaja. Ñanno dea cönä’ja’to odoocojaato wwä töjaawäiñe ä’madaaca’ñäjoojöncomo’jödö, tamäädöcoomo jäcä mmaja. Ñanno waadoncadööcomo weneeaqueene. Cajiichaanaje naato’de 1,000 wedu Quidiito jadä.