DOSECHO 9:39 - Wanaadi A'deddu

³⁹ Yaawä Peedhodo cöntämä chääjadäiñe. Iiña töwä’döa’jäcä ñanno quedeiyente cönaamonno’joicho chääquejöödö döiña. Yäätä cönä’ja’to wodiiñamo, iiño wä’jajo’jödö. Tönwanno cönaamoa’to; cöneenejoojä’a’to tameedä nudä töweichö Doodaca nishoocajäätö’jödö.

DOSECHO 9:39 ပူးပေါင်းရင်းမြစ်များ

MATEO 17:17

Jesuuquidiito cöneccujä’acä; cönä’döaacä: —Mädä wa’cä aneecamjö’da maato, chäänönge’da mmaja. ¿Ä’waasa’cäne mma numa ajaadäiñe wei’she maato? Numa dajaane wä’döi ashinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.

MATEO 26:11

Wentumja’como ajaadäiñe naato’de yeichöje. Öwö mmaane yeichöje’daane ajaadäiñe weichojo na.

MAADOCO 14:8

Mä’dä wodi nödöi tödööjai töweichö woije. Töwö juu shimi’jotoojo que jöi nono aca yeewaacadö owaajo.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 12:8

Wentumja’como ajaadäiñe naato’de yeichöje; öwö mmaane yeichöje’da ajaadäiñe weichojo na; quee cönä’döaacä Jesuuquidiito.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOSECHO 6:1

Yaawä quedeiyentecoomo cöneejanga’to jooje. Ñanno quidiiyeeco a’deucwa’como cönenta’me’ca’to yaawä judhío a’deucwa’como jäcä. Tönwanno cönä’döa’to: —Anooto waadäi äwanshi ecaamodaawä chääwa’cä ä’tu’da weneene ñaa jimmä iiño wääma’jödö wwäiñe; quee cönä’döa’to.

DOSECHO 8:2

Anejjacoomo soto aashicha’como Eteewa cöneewaacaicho; jooje cönaamoa’to ijunnei.

DOSECHO 9:41

Peedhodo cönaajäi yaawä dhamäädö jäcä. Yaawä Peedhodo quedeiyentecoomo cöna’dejjaicho, iiño wä’jajo’jödö mmaja; nudä cöneenejoi chäwwäiñe.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 4:13

Änwanno jimmä, odhoowanääcäiñe yei’she ñaa na ñanno yä’ja’a’como jäcä, wentumje aweichöcoomo queiñe, quedeiyentejöncomo weneenetoodöje; tönwanno naato a’que inwomoocödööcomo.

1 TIIMOTEO 5:3

I’wa’täcooto iiño wä’jajo’jocoomo, ñanno wentumja’como jaiñoone.

1 TIIMOTEO 5:5

Ñäädä wodi iiño wääma’jödö töjääcäjeenato jaiñoone Wanaadi ecaanö’jai ña; Wanaadi wwä a’deujai ña ano, coijai mmaja.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.