DOSECHO 9:34 - Wanaadi A'deddu

³⁴ Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

DOSECHO 9:34 ပူးပေါင်းရင်းမြစ်များ

MATEO 8:3

Yaawä Jesuuquidiito tamäädö que cönaajojoi; cönä’döaacä chäwwä: —Adheejichö’tä’se wa; nännamjö’ñojo mädä owoichö; quee cönä’döaacä. Yaawä dea mma yoichö cöne’jöi.

MATEO 9:6

Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä: —Aanöncä; adhe’wötö adääcä; ämmai chaca äjääne; quee cönä’döaacä.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

DOSECHO 16:18

Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

DOSECHO 3:12

Yaawä töwwadäädäiñe soto weejödööcomo eneea’jäcä, Peedhodo cönä’döaacä chäwwäiñe: —Änwanno iisadaaediitacoomo, ¿ane’que’nei määcatoncaato? ¿Ane’que’nei mädä wa’cä ñaa mene’maato, ñaa jäduudu que määdhä adonca’jödööjönö? Töjäädudu que’da ñaa nejoimajoi, Wanaadi owaadäädä aashicha ñaa weichö que’da mmaja.

DOSECHO 3:16

Ñäädä eetö joi ecamjödö weijäcä naadoncai määdhä dhanwa mene’maatoodö, odhoowanoocomo. Yääne, ecamjödööne nadoncai määdhä aneenedööcomooje.

DOSECHO 3:6

Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 9:33

Yäätä dhanwa cöneedantäi, Eneea täätö. Tä’wötö jo dea mma ñäädä töweiye cönä’jaacä secumje töweijäcä; aaduwaawä amoojato wedu chäädäicha’jödö cönä’jaacä.

DOSECHO 9:35

Tameedä Diida ñancomo, Sadón ñancomo mmaja cöneenea’to. Tönwanno töwäätunnäichomo cöne’nomjaicho yaawä Cajiichaana Jesuuquidiito ecamjödö wetä.