DOSECHO 9:31 - Wanaadi A'deddu

³¹ Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOSECHO 9:31 ပူးပေါင်းရင်းမြစ်များ

DOSECHO 12:24

Cajiichaana a’deddu ecammajäätödö mmaane jooje’cä cöneejamöi; tameedä yeichö wa’cä cönäätäcammajäätöi.

DOSECHO 16:5

Mädääje tameedä Quidiito sotoi cönä’jädu’ta’to; anooto waadäi quedeiyentecoomo cöneejanga’to.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 5:11

Tameedä quedeiyentecoomo, anejjacoomo yää jäcä etannamo mmaja, cönääcatoncaicho jooje.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 5:5

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

1 CODINTIYO 14:12

Yääje yeijäcä jimmä, Epíiditu Santo nu’jätöödö tujunne yeiya’jäcä äwwäiñe yääne encano’tätääcä, quedeiyentecoomo i’wa’toto’comoone.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

2 CODINTIYO 10:8

Jooje deja adheedhajootoncomooje weichö jäcä wa’deutaame, mädä jäcä ejöichäjai’cha wa. Yääje ñaa weichojo Wanaadi cuntui äjäädu’toto’comooje, ocoone’mato’comooje’da.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

EUJEESIYO 5:21

Äwwäädäiñe ä’tutääcä, Wanaadi tönnontä aweijäcäiñe.

JIDIIPENSE 2:1

Yääje yeijäcä, Quidiito äjäädu’tätäiñe yeiya’jäcä, töwö inchudu wä’jummanä awa’dätäiñe yeiya’jäcä mmaja, Epíiditu Santo ’je aweiya’comjäcä mmaja, tujunne äneetä aweiya’comjäcä, wentumje äneetä mmaja,

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

1 TEESADOONISENSE 5:11

Yääje yeijäcä ä’wa’dätääcä änwannoje dea; ä’jädu’tätääcä, tönnöe määnetäänedööje dea.

1 TIIMOTEO 1:4

wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

EEWEDEO 4:9

Yääje yeijäcä töweiye deaane na Wanaadi nutuudu wäädeetatoojo tojoodöeemö Wanaadi sotoi wwäiñe.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.