DOSECHO 9:17 - Wanaadi A'deddu

¹⁷ Yääje mma yaawä Aananía cöntämä yaawä Saudo e’saca. Töwoomonga’jäcä tamäädö cönnöi Saudo de’wä; cönä’döaacä chäwwä: —Weichacoono Saudo, Cajiichaana Jesuuquidiito yaanontäi sadä adöiña, ñäädä ääma tai aweejödaawä äwwä cönäänejoichö. Töwö yaanontäi töneene äwä’dödö wetä, Epíiditu Santo jäduudu ’je äwä’dödö wetä mmaja; quee cönä’döaacä Aananía Saudo wwä.

DOSECHO 9:17 ပူးပေါင်းရင်းမြစ်များ

MATEO 19:13

Yääje mma yaawä soto cönne’a’to mudeeshi’chä Jesuuquidiito wwadäädä, ye’cäcäiñe tamäädö tödöödö wetä chäwwä, chääjäcäiñe Wanaadi wwä ya’deuwödö wetä mmaja. Ñoowanoomadö cömjiiyeme’jä’a’to ñanno mudeeshi’chä edhaamo.

MAADOCO 5:23

Töwö wentumje cöna’deuwacä Jesuuquidiito wwä; cönä’döaacä: —Önnedö wodi’chä wäämanääje nai. Ma’che, adhaamädö ye’wä mödöiye, aadoncaiye; ääma’da eiye yaawä; quee Jaido cönä’döaacä Jesuuquidiito wwä.

MAADOCO 6:5

Yäätä täneemö tödööjai’cha töwö cönä’jaacä. Äächädä mma cädäija’como cönaadoncaicho, tamäädö ye’wäiñe tödöödö que.

DUUCA 1:41

Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä.

DUUCA 1:67

Yääje mma yaawä yuumö Saacadía Epíiditu Santo ’je cönä’döi; Wanaadi woije cöna’deuwacä; cönä’döaacä:

DUUCA 1:76

Amäädä shiichu’cä, Wanaadi o’jodhaato wa’deuwödö ecammaneije mätä’täja’de, Cajiichaana owaajo töötäämöje aweijäcä, chäämadö choonecaaneije,

DUUCA 15:30

Mä’dä ännedö, masuuduichanä que tameedä ajöödatai acoichanei’jödö yä’döa’jäcä mmaane, jaaca nnedö’cä ejuiñanö’caajä jaiñoone mamiiñä’cajoi;” quee cönä’döaacä yui tumö wwä.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 13:3

Yää ’jeje Wanaadi wwä töwa’deuwö’jejeiñe, töwäänema’jejeiñe mmaja, tamäädöcoomo cönnöicho ñanno Waanawé, Saudo de’cäcäiñe; cönenno’jaicho yaawä.

DOSECHO 13:52

Tameedä quedeiyentecoomo ta’cwaiñe töweiye cönä’ja’to, Epíiditu Santo jäduudu ’je mmaja.

DOSECHO 19:6

Paudo tamäädö tödööa’jäcä ye’cäcäiñe Epíiditu Santo cönä’täi yaawä chääjäcäiñe; anejja a’deucwe cöna’deuwa’to yaawä; Wanaadi nutuudu woije cöneecammajä’a’to dea.

DOSECHO 2:4

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 21:20

Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.

DOSECHO 26:15

“ ¿Änääcö amäädä Cajiichaana;” quee wä’döaaquene yaawä. Töwö cönä’döaacä öwwä yaawä: “Jesuuquidiito öwö, miyuunacaadö dea.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 6:6

Yaawä anonta’como döiñaiñe cönaadoicho. Ñanno anonta’como tamäädöcoomo cönnöicho ye’cäcäiñe; Wanaadi wwä cöna’deuwöicho chääjäcäiñe.

DOSECHO 8:17

Yaawä Peedhodo, Juan tamäädöcoomo cönnöicho ye’cäcäiñe; Epíiditu Santo ’je ñanno cönä’döicho yaawä.

DOSECHO 9:18

Yaawä dea mma na’cwacaano cädääji’jä nönge cöne’duccai Saudo enuudu jäconno; töneene cönä’döi yaawä. Wautisaaje cönä’döjoi yaawä.

DOMAANO 15:7

Yääje yeijäcä aashicha Wanaadi weichö eneejodö wetä aashicha ajimmotoncomo tödöötäcä, Quidiito aashicha cödöötäneedöje mmaja.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

1 CODINTIYO 15:8

Yaatameedöje jeene öwwä daja cönäänejoi chea yaawä. Öwö wä’jaaquene yaawä tucu’nädö awä’da shiichu’cä töwennue töweiye naichöje.

1 CODINTIYO 9:1

Anontaajä dajaane öwö, tameedä anonta’como tönnöe weneenetoodö tödööjaicho mmaja, öwwä mmajaane Cädhaajotoncomo Jesuuquidiito eneetö’da. Änwanno mmaja maatoodö naane’ taadawaajui’jödö, yää Cajiichaana wwonooje tönnöe wääneneedö.

1 TIIMOTEO 4:14

Ema’jödööje’da tödööcä Wanaadi nutuudu äwwä naadö, yää Wanaadi woije ade’wä ansiyaano tamäädöcoomo cönnöichodaawä äwwä cönä’tuichö.

1 TIIMOTEO 5:22

Jadheedä mma ansiyaano maneewaacai’che, choone’nadiiyö jäcä i’wa’täneije mma mei’ño; chäänönge eichä amäädä tameedä aweichö jäcä.

2 TIIMOTEO 1:6

Yääje yeijäcä mänwätuuja Wanaadi nutuudu äwwä naadö michaatu’nacaiye, yää yaamädö ade’wä wödöönedaawä äwwä cönä’tuichö.

JIIDEMÓN 1:16

Adhaanonööje mma’da töwö na eduuwa, aweichacoonoje mmajaane. Öwwä tujunne na jooje, töwaacö’je äwwä eijai ña, adhaanonööje yeichö jäcäinchädä mma’da, Jesuuquidiito jäcäinchädä aweichacoonoje yeijäcä mmajaane.

EEWEDEO 6:2

wautisaaje wä’döjoonä jäcä mmaja, quedeiyente de’wä tamäädö tödöödö jäcä mmaja, yä’ja’a’como waadoncato’como jäcä mmaja, yeichöödoto wätä’maminchajootojo jäcä ecammajäätödö mmaja.

2 PEEDHODO 3:15

Odhoowanääcäiñe tödöötäcä cöwääwanaacato’comooje yeichö mädä Cädhaajotoncomo Jesuuquidiito wwä cönshinchädööcomo. Mädääje dea cöjimmotoncomo tujunnato Paudo cömmennäi äwwadäädäiñe, Wanaadi nutuudu tösejjedö woije.