DOSECHO 9:15 - Wanaadi A'deddu

¹⁵ Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOSECHO 9:15 ပူးပေါင်းရင်းမြစ်များ

MATEO 10:18

Cajiichaanacoomo wwadäädä jadä’jödöödä adhaadäaato’de, acu’shänä wwadäädä mmaja, sootoije aweichöcoomo jo’tädööje. Mädääje ya’deddu ecammajä’jai maato chäwwäiñe, Wanaadi dhowaanojöncomo wwäiñe mmaja.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 21:19

Ñanno a’dejja’comjäcä Paudo cöneecammajäätöi tameedä Wanaadi nödööjo’jödö töwwä judhíojöncomo jäcäiñe.

DOSECHO 22:14

Yaawä töwö cönä’döaacä öwwä: “Ñäädä cadai’choncomo Wanaadiyö jenaadä adhe’täne töwoije tödööneije aweichö wetä, ñäädä aashichaato eneedö wetä mmaja äwwä, dha’deddu etaadö wetä mmaja.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 25:22

Yaawä cajiichaana Aaquidiipa cönä’döaacä Jeetu wwä: —Öwö mmaja eta’se wa dea yäätunnäi; quee. Yaawä Jeetu cönä’döaacä: —Jenamma etaacä’de; quee.

DOSECHO 26:1

Yääje mma yaawä Aaquidiipa cönä’döaacä Paudo wwä: —Awa’deuwö’se aweiya’jäcä adha’deucwä; quee. Yaawä tamäädö eneejojäätödö que Paudo soto cöneeta’jöichajoicho; cönä’döaacä:

DOSECHO 26:32

Yaawä Aaquidiipa cönä’döaacä Jeetu wwä: —Acu’shänä döiña töötotoojo ane’catä’da ei’jo cu’catäädö; quee cönä’döaacä.

DOSECHO 27:24

Edääje ñäädä amoode nä’döaanä öwwä: “Määcatoncai Paudo. Amäädä mä’döa’de domaanocoomo acu’shänäi’chädööcomo döiña. Amäädä äjääcäinchädä Wanaadi newaanacaato’de tameedä ajaadoncomo, jidaawa awoncomo;” quee amoode nä’döaanä öwwä.

DOSECHO 28:17

Yääje mma yaawä aaduwaawä anooto yä’döa’jäcä Paudo cöna’dejjaicho ñanno judhío Dooma ñancomo, täneejuca’como dea mma. Ye’jumma’comjäcä Paudo cönä’döaacä chäwwäiñe: —Jimmä, judhío jäcäiñe conemjönö ännö’da weichaame, cadai’choncomo wätunnäichomo jäcä cone’da a’deuwö’da weichaame mmaja, Jeduusadén ñancomo yu’neto domaanocoomo wwä, jedeesoje yöödödö wetä yaawä chäwwäiñe.

DOSECHO 28:28

Yääje yeijäcä jimmä, odhoowanääcäiñe tödöötäcä eduuwa naadö jonno mädä Wanaadi nutuudu wääwanaacatoojo judhíojöncomo wwä yäätäcammadö. Ñannoone netaato’de; quee cönä’döaacä Paudo judhío Dooma ñancomo wwäiñe.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 11:13

Edääje wä’dö’se wa äwwäiñe, änwanno judhíojöncomo. Judhíojöncomo wwadäädäiñe anontaajäje weijäcä aashicha mädä taadawaajui tödö’se wäänene.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 9:16

Aashichaato wätunnä ecammajä’neije weichaame mädä jäcä ä’wa’demeejai’cha wa, taadawaajuiñe yeiyajä. Wentumje eijai wa yaawä aneecammajäätö’da weiya’jäcä.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

EUJEESIYO 3:1

Yääje yeijäcä öwö Paudo Wanaadi wwä ya’deuwa; öwö jedeesoje wa äjääcäinchädäiñe, änwanno judhíojöncomo, Jesuuquidiito töneecanö’e weichö jo’tädööje.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.

2 TIIMOTEO 2:4

Ñäädä töweewänä’täämö anejja dödö jäcä ääjönca’da töweiye nai, töweewänä’täämöje täwaacanei’jödö nanontädö tödööcoije töweichö wetä.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.