DOSECHO 9:10 - Wanaadi A'deddu

¹⁰ Yäätä Damaacu ña cönä’jaacä quedeiyente, Aananía täätö. Ñäädä wwä Cajiichaana cönäänejoi iwäänetöödö ai; cönä’döaacä chäwwä: —Aananía; quee. Ñäädä cöneccujä’acä: —Eetä wa, Cajiichaana; quee.

DOSECHO 9:10 ပူးပေါင်းရင်းမြစ်များ

DOSECHO 10:3

Yaawä anunnaque yei’jeje yeichö Wanaadi amoodedö cönäänejoi chäwwä; yöiña cönoomomöi; cönä’döaacä: —Conneediyo; quee.

DOSECHO 11:5

—Joope ña weichö, Wanaadi wwä wa’deunäje weichawä, wäneetönaawoto nönge wä’jaaquene. Yaawä saawana nöngato weneeaqueene, ijootödö waadäi inchö’dajä’ajä. Öwwadäädä cöne’acä caju ñanno.

DOSECHO 12:9

Peedhodo cöneeja’cai yaawä amoode ncäcä. Töwö dhowaanäcä’da cönä’jaacä ñeene amoode wwä tödöödö; töwäänetöödö atäi mma cöneecanö’acä.

DOSECHO 16:10

Yääje Paudo wäänetö’jeje Maasedooniya ña ñaa cönääma’täi yaawä. Ñaa owaanäcä cönä’jaacä iiña ñaa anontädö Wanaadi wwä, ñeetadööcomooje aashichaato wätunnä ecammajäätödö wetä.

DOSECHO 16:9

Iiña coijai Paudo cönwäneetöi. Dhanwa cönääneaacä, Maasedooniya ñano; ñäädä cönä’döaacä Paudo wwä: “Maasedooniya ña ä’cäde; ñaa ’wa’täta;” quee cönä’döaacä ñäädä dhanwa.

DOSECHO 18:9

Yaawä Paudo wäneetödö ai Cajiichaana cönä’döaacä chäwwä: —Tösaade’da eichä; ecammajäätödööje dea eichä’de, mane’nomjai’che.

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 9:12

Töwö Saudo töwäänetöödö ai cöneeneaacä dhanwa tödöiña yeejödö, Aananíaje chäätö; cöneenea’dea Aananía wwä tamäädö tödöödö töde’cäcä, töneene töwä’dödö wetä; quee cönä’döaacä Cajiichaana Aananía wwä.

DOSECHO 9:9

Yäätä Saudo cönä’jaacä aaduwaawä anooto, tänuuque’da. Ääwashinchä’da cönä’jaacä, töwoocödö aneenö’da mmaja.

2 CODINTIYO 11:32

Damaacu ña weichö ñäädä acu’shänä, Cajiichaana Adeeta anoonöje cönä’ja’dö, tösootoi cönaanontoicho önnoshinchädö wetä, jedeesoje yöödödö wetä yaawä;

CAADATA 1:17

Jeduusadén ña tä’da weiyaquennea yaawä ñanno anonta’como yoowajoodo’como döiñaiñe. Adaawiya ña mma wötääne, sa’donna. Yää ’jeje yennacaane dea Damaacu ña.