DOSECHO 8:7 - Wanaadi A'deddu

⁷ Jooje odo’sha ’ja’como cönaadoncaicho; töcä’tömjä’ancädäiñe soto acanno odo’sha töweeja’ca cönä’ja’to. Cönaadoncaicho dea jooje änönnä’ja’como, secumja’como mmaja.

DOSECHO 8:7 ပူးပေါင်းရင်းမြစ်များ

MATEO 10:1

Yääje mma yaawä Jesuuquidiito cöna’dejjaicho tönoowanoomadö, ñanno amoojadooto de’wä aaco’como. Chäwwäiñe cuntui ijääduduucomo, odo’shancomo ija’canö’joto’como, tameedä cädäi ejiichö’totoojo mmaja, tameedä se’nato ejiichö’totoojo mmaja.

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MAADOCO 9:26

Yaawä ñäädä odo’sha cöncä’tömöi, ñäädä mude’cä’cä tumjunne’da cöneenönnäi’chäi chea yaawä. Dhacanno cöneeja’cai yaawä, acoichamjödö’jo. Yääje yeijäcä töwääma yeiyaatäi soto cöneecanö’a’to.

DUUCA 10:17

Ñanno aaduwaawä sotooto de’wä amoojado’como Jesuuquidiito nanonto’jocoomo ta’cwaiñeiñe cönennacaicho yaawä. Tönwanno cönä’döa’to: —Cajiichaana, odo’shancomo jadä’jödöödä adheetö joi tanontädaawäiñe ñaa woije weneeneto; quee cönä’döa’to Jesuuquidiito wwä.

JUAN 14:12

Chäänönge yääje wä’döa äwwäiñe, öwö yeecanö’nei, öwö önnödö nönge mmaja nödööa’dede. Önnödö e’jodhe’cä nödööa’de, Jaaja döiña öötädö weijäcä.

DOSECHO 5:16

Anejjacoomo amoinchemjöncomo ijaatadööcomo töwe’e cönä’ja’to Jeduusadén ña, cädäija’como dha’me, odo’sha ’ja’como dha’me mmaja. Tameedä töwaadonca cönä’ja’to.

DOSECHO 8:6

Tameedä soto töwe’jumma cönä’ja’to Jediipe necammajäätödö eta; töneene mmaja cönä’ja’to dea aashichaato iiñödö.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.