DOSECHO 8:4 - Wanaadi A'deddu

⁴ Ñanno Quidiito sotoi, Jeduusadén ñanno cönäämecantoichodö aashichaato wätunnä cöneecammajä’a’to tameedä anejja jataacä töwä’dödööcomo waadäi.

DOSECHO 8:4 ပူးပေါင်းရင်းမြစ်များ

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

DOSECHO 11:19

Yaawä soto wwäiñe Eteewa ema’jeje anejjacoomo quedeiyentecoomo maminchädööcomo mmaja cönaajäntoicho dea; yääje yeijäcä ñanno quedeiyentecoomo cönäänejeicho Jeniisiya ña, Chiipede ña mmaja, Antiyooquía ña mmaja. Iiña tönwanno Wanaadi a’deddu töneecammajä’e cönä’ja’to, tameedä soto wwäiñe’da, judhíocoomo wwä mma.

DOSECHO 15:35

Paudo, Waanawé mmaja yäätä cöno’somjoicho dea. Tönwanno anejjacoomo jadä soto cönoowanooma’to; Cajiichaana a’deddu töneecammajä’e cönä’ja’to dea.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOSECHO 8:12

Yaawä Wanaadi töcaajichaanaije tödöödö jäcä Jediipe necammajäätödö eta’jäcä töwwäiñe, Jesuuquidiito ecammajäätödö eta’jäcä mmaja, ñanno soto cöneecamjöicho; wautisaaje cönä’döjoicho yaawä, dhanwaacomo, wodiiñamo mmaja.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.