DOSECHO 8:37 - Wanaadi A'deddu

³⁷ Jediipe cönä’döaacä chäwwä: —Ätö’tajäätödö jadäädä ecaanö’a’jäcä, wautisaaje ä’döjoojai ma; quee. Ñäädä cönä’döaacä yaawä: —Wecaanö’a Jesuuquidiito Wanaadi nnedööje yeichö; quee.

DOSECHO 8:37 ပူးပေါင်းရင်းမြစ်များ

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

JUAN 11:27

Maadata cönä’döaacä chäwwä: —Ee, Owaanomaanei, öwö wecaanö’a Äwaanacaaneije aweichö, Wanaadi nnedööje aweichö, edä nono de’cäi töwe’emööje cönä’ja’dö; quee cönä’döaacä Maadata Jesuuquidiito wwä.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

JUAN 9:35

Yääje mma yaawä Jesuuquidiito cöneetaacä tänuuquemjönö’jödö u’ca’jödö. Yaawä dhacä töwoojodööa’comjäcä töwö cönä’döaacä chäwwä: —¿Mecaanö’anä Wanaadi nnedö? quee.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 8:12

Yaawä Wanaadi töcaajichaanaije tödöödö jäcä Jediipe necammajäätödö eta’jäcä töwwäiñe, Jesuuquidiito ecammajäätödö eta’jäcä mmaja, ñanno soto cöneecamjöicho; wautisaaje cönä’döjoicho yaawä, dhanwaacomo, wodiiñamo mmaja.

DOSECHO 8:21

Odhoowanoojönö mädä, äwwonoojönö mmaja. Ätö’tajäätödö chäänönge’da na Wanaadi owaadäädä.

DOSECHO 8:36

Yaawä töwwäiñe tuna ija’dätäädawä ñäädä Eetiyoopía ñano cönä’döaacä Jediipe wwä: —Edä na tuna; ¿aaquene eduuwa wautisaaje wä’döja’jäcä? quee cönä’döaacä.

DOSECHO 8:38

Yaawä tadaada cöneedennanö’joi; a’nädäncädä cönä’toicho na’cwaca, Jediipe, Eetiyoopía ñano mmaja. Jediipe wautisaaje cönnöi yaawä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

DOMAANO 10:10

Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.

1 JUAN 4:15

Ñäädä Jesuuquidiito Wanaadi nnedööje yeichö ecammanei Wanaadi jadoono ñäädä, Wanaadi chaaca na dea töwö.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.

1 JUAN 5:5

Ñäädä mma edä nono de’wono e’jodheinchajai ña, Jesuuquidiito Wanaadi nnedööje yeichö ecaanö’nei mma.