DOSECHO 8:30 - Wanaadi A'deddu

³⁰ Yaawä amoinche’da Jediipe wöta’jäcä töwö cöneetaacä Isaía nimennä’jödö a’de’tädö ñäädä wwä. Yaawä töwö cöneecamma’joi: —¿Odhoowanääcä nai mädä ma’de’taadö? quee cönä’döaacä.

DOSECHO 8:30 ပူးပေါင်းရင်းမြစ်များ

MATEO 13:19

Anejja wwä Wanaadi töcaajichaanaije tödöödö jäcä ecammajäätödö towaanäcä’de eta’jäcä, odo’sha ne’a yaawä. Yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawa dhadöödö cönä’meichö.

MATEO 13:23

Yää dhadöödö aashichaato nono de’wä cönä’meichö mmaane, towaanäcäiñe Wanaadi a’deddu etannamo cu’tädö yää. Ñanno jäcäiñe Wanaadi a’deddu aashicha nejanga yaawä. Dhantai ñaato yää ijaatoodea soto chääjedöödö cönä’ja’dö nönge; dhantai ’chene aaduwaawä soto chääjedöödö cönä’ja’dö nönge; dhantai ’chene tooni sotooto de’wä amoojadä chääjedöödö cönä’ja’dö nönge; quee cönä’döaacä Jesuuquidiito tönoowanoomadö wwäiñe.

MATEO 13:51

Yääje mma yaawä Jesuuquidiito cöneecamma’joicho: —¿Odhoowanääcäiñe näätaanä tameedä mädä? quee cönä’döaacä. Tönwanno cönä’döa’to: —Ee, ñaa wwä nääta; quee.

MATEO 15:10

Yääje mma yaawä Jesuuquidiito cöna’dejjaicho ñanno soto; cönä’döaacä chäwwäiñe: —Aashicha cätaatäcä.

MATEO 24:15

“Ñäädä Dañeede, Wanaadi wa’deuwödö ecammanei’jödö, cöneecammajäätöi ñäädä cone’manei tönoiñato jäcä. Ñäädä tönoiñato meneeato’de yaawä aashichaato tawä yaanöngajä. A’de’tänei nichö’tammecö’ñojo.

MAADOCO 13:14

“Ñäädä Dañeede, Wanaadi wa’deuwödö ecammanei’jödö, cöneecammajäätöi ñäädä cone’manei tönoiñato jäcä. Ñäädä tönoiñato meneeato’de yaawä yeicho’jönö tawä yaanöngajä. A’de’tänei nichö’tammecö’ñojo. Yaawä Judheea ñancomo nääneje’ña’to’de jöö de’cäi.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 5:39

Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

DOSECHO 8:27

Jediipe cönääma’tai yaawä; ääma tai töötädaawä Eetiyoopía ñano acä cönoojodöi. Candaase sotoi cönä’jaacä ñäädä, emuucaajä. Täneejucaato töwö cönä’jaacä, Candaase jödaatai edhaajä. Ñäädä Candaase cönä’jaacä wodi, Eetiyoopía ñano cajiichaanai’chädö. Jeduusadén ñano’jödö yennacaadö ñäädä Eetiyoopía ñano cönä’jaacä, Wanaadi wwä a’deunei’jödö.

DOSECHO 8:29

Yaawä Epíiditu Santo cönä’döaacä Jediipe wwä: —Amoinche’da äjääne tadaada jäcä; quee.

DOSECHO 8:31

Ñäädä Eetiyoopía ñano cönä’döaacä yaawä: —Aaquene mmaja yoowanääcä eichö deeade’, yoowanoomanei töweiye yeichöjöönö; quee cönä’döaacä. Yaawä ñäädä Eetiyoopía ñano Jediipe cönaajimaajoi tönnäcä tadaada de’wä.

DOSECHO 8:5

Yaawä Jediipe, ñanno yäämecanta’como jimmotoncomo, cöntämä Samaadiya ñano jataaca. Iiña soto wwäiñe Jesuuquidiito jäcä cöneecammajä’acä.

1 CODINTIYO 14:19

Yääje yeichaame wecanta’ñotoojo taca aacä’cä mma a’deu tätaato wa’deuwa’jäcä anejja owaanomaadö wetä, yää eijai ña anejja a’deucwe jooje wa’deunä e’jodhe’cä.

EUJEESIYO 5:17

Tämje’daiñe eichäcä; Cajiichaana woijato odhoowanääcäiñe yeichojo encano’tätääcä.

APOOCADIISI 13:18

Edä yää tötö’tamme’quemö; ñäädä töseedujä’nato nichö’tammecö’ñojo odoocojaato eetö me’cudu. Soto me’cuduuje na, 666, quee.