DOSECHO 8:10 - Wanaadi A'deddu

¹⁰ Tameedä soto dha’deddu töneeta cönä’ja’to, täneejuca’como mmaja, ema’jocoomo mmaja. Tönwanno töwä’döe cönä’ja’to: —Määdhä ñäädä Wanaadi jäduudu ’jano; quee.

DOSECHO 8:10 ပူးပေါင်းရင်းမြစ်များ

DOSECHO 14:11

Yaawä soto wwäiñe yää eneea’jäcä tönwanno jäduuje cöncä’tömjä’a’to Dicaaoniiya ñancomo a’deucwe: —Wanaadija’como canno, caju ñanno sotooje yä’ta’como cödöiñaiñe; quee cönä’döa’to ñanno soto Paudo jäcäiñe.

DOSECHO 28:6

Ñanno soto Paudo cöneene’ma’to: “ ¿Ächännauwä’cä awootai? ¿Ächännauwä’cä äämatai?” quee cöntö’tajä’a’to. Yää ’jeje numa’cä yä’döa’jäcä ääma’da cöneiyacä. Edääje daja ñanno soto cöntö’tajä’a’to yaawä: “Wanaadi’chaane mä’dä;” quee daja.

1 CODINTIYO 1:24

Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

2 CODINTIYO 11:19

Towaanojo’ne jaiño maatoode; ¿aashicha mma jönca i’jeta’jödö töneeta määnetääne?

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

2 PEEDHODO 2:2

Jooje naato’de shootoichomo, conemjönö iiñödööcomo nönge tödönnamo mmaja. Tönwanno yoija’comooje cone’da soto na’deuwaato’de quedeiyenteje weiñä jäcä.

APOOCADIISI 13:3

Tooni iju’jä weneeaqueene töwäätunui’chä. Yäämatoojoje eijaicho wa’cä cöntö’taacä yää yäätunui’chä’jödö; töwäädä töwe’jöeene’ cönä’ja’ne’. Ñäädä odoocojaato ncäcä cönta’to nono de’woncomo, töwääcatonca.