DOSECHO 8:1 - Wanaadi A'deddu

¹ Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOSECHO 8:1 ပူးပေါင်းရင်းမြစ်များ

MATEO 22:6

Anejjacoomo cönaajoicho ñäädä töwaajä’maamö anoonö; cömmaminchaicho. Cömjajoicho yaawä.

MATEO 23:34

Yääje yeijäcä adöiñaiñe wene’jaato’de ya’deddu ecammannamo, töseedujä’na’como mmaja, odhoowanoomannamo mmaja. Dhantai möja’ato’de; dhantai cuduusa jäcä majoijaato’de. Anejjacoomo maiju’jä’ato’de awe’jummato’como taca; yäänejeedööcomo waadäi maje’caato’de, imaaminchadööcomo wetä.

MATEO 5:13

“Änwanno maato saayu nönge edä nono de’woncomo wwäiñe. Yaawääne’, saayu a’cwötöödö wataamea’jäcä, ¿aaquene ma’cwötöömaiyede yaawä? ¿Ane’cotoojoje eichöde’ yaawä? Tämamje mma na yaawä, sotoocomo neta’jätöödöcoomoje.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

DOSECHO 13:36

Ñäädä Dawí Wanaadi woije töweiye cönä’jaacä nudä töweichö wadaadäädä. Yaawä yääma’jäcä ijimmä cöneewaacaicho dhadai’jödö dö’tä; chääjö cöncätai yaawä.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 22:20

Adhaanonö Eteewa emaadawä yäätä wä’jaaquene; waacö’je mma ñäädä adha’deddu ecammajä’nei cöneemaicho. Ñanno emannamo’jödö womö edai’chäneije wä’jaaquene yaawä;” quee wä’döaaquene Cajiichaana Jesuuquidiito wwä.

DOSECHO 26:10

Mädääje dea tönnöe wä’jaaquene Jeduusadén ña. Jooje quedeiyentecoomo jedeesoje wödööneto, Wanaadi wwä töwa’deuwaamo edhaajotoncomo woije. Quedeiyente emaadawä aashicha mma töneene’ma wä’jaaquene.

DOSECHO 5:18

Yääje yeijäcä tönwanno anonta’como cönaajoicho; jedeeso ewöötö’tädö taca cöneewaacaicho yaawä.

DOSECHO 5:20

—Ojoncomo Wanaadi weichojo taca; soto wwäiñe ecammajä’tantäcä edä eduuwaato weichojo jäcä; quee cönä’döaacä amoode chäwwäiñe.

DOSECHO 5:33

Yää eta’jäcä ñanno wwäiñe jooje cönäätömaicho yaawä, anonta’como ema’seiñe tödööene.

DOSECHO 5:40

Ñanno cöneeta’to dha’deddu. Anonta’como cöna’dejjaicho yaawä; taiju’jä’e mma cönaiju’jätöicho; cönä’döa’to chäwwäiñe: —Jesuuquidiito jäcä mma maneecammajä’täi’che eduuwa; quee cönä’döa’to. Cönenno’jaicho yaawä.

DOSECHO 7:38

Moisé dea cönä’jaacä soto we’jumma’como jadä jata ’jemjönö aca yeichöcoomo, amoode jadä mmaja Sinaí ’jödö de’wä, yaawä chäwwä amoode cöna’deuwa’dawä; cadai’choncomo jadä mmaja Moisé cönä’ja’dea. Chäwwä mmaja weichojo a’deu ecammajäätödö cönä’tui chea, cöwwäiñe tu’emööje.

DOSECHO 7:54

Yääje ya’deuwödö eta’jäcä chäwwäiñe, ñanno cajiichaanacoomo, Wanaadi wwä töwa’deuwaamo mmaja, cönäätömaicho yaawä; jooje cone’da cönä’ja’to Eteewa jäcä.

DOSECHO 7:58

Jata tö’cäi cönaadoicho yaawä; yäätä täju que cönwäjäätöicho. Ñanno töwännamo’jödö, enennamooje cönä’ja’todö, töwoomöcoomo de’wono cöneedai’chäja’to ääjömaanö wwä, Saudoje töwö chäätö.

DOSECHO 8:14

Yaawä anonta’como Jeduusadén ñancomo cöneeta’to aashicha Wanaadi a’deddu ecammajäätödö eta’jödö Samaadiya ñancomo wwä; yääje yeijäcä iiña cönaanontoicho Peedhodo, Juan mmaja.

DOSECHO 8:2

Anejjacoomo soto aashicha’como Eteewa cöneewaacaicho; jooje cönaamoa’to ijunnei.

DOSECHO 8:4

Ñanno Quidiito sotoi, Jeduusadén ñanno cönäämecantoichodö aashichaato wätunnä cöneecammajä’a’to tameedä anejja jataacä töwä’dödööcomo waadäi.

DOSECHO 8:5

Yaawä Jediipe, ñanno yäämecanta’como jimmotoncomo, cöntämä Samaadiya ñano jataaca. Iiña soto wwäiñe Jesuuquidiito jäcä cöneecammajä’acä.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 1:32

Tönwanno dhowaanäcäiñe na Wanaadi wä’dö’jödö mädä tödöödö jäcä; dhowaanäcäiñe na mädä tödönnamo töwäämaamöje yeichöcoomo. Yääje yeichaame tödöödöje dea weneeneto, yaacö’comje mmaja töjimmotoncomo wwä tödöödö eneea’jäcä.

JIDIIPENSE 1:12

Jimmä, odhoowanääcäiñe yei’she wa mädä öwö jääcä cöneeja’dätäichö aashichaato wätunnä ejanno’to’me yeichö.

EEWEDEO 11:27

Ecamjödö que mmaja Moisé cöntämä Ejiito ñanno, yää nonoodö cajiichaanai’chädö wäätömaadö onnontä’da. Yäätäädä Moisé cönä’jädu’taacä, Wanaadi töwäänemjönö töwwä ene’dawooto wa’cä.