DOSECHO 7:60 - Wanaadi A'deddu

⁶⁰ Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOSECHO 7:60 ပူးပေါင်းရင်းမြစ်များ

MATEO 27:52

Äwa cöna’ta’ducaajätöi chea. Jooje Wanaadi sotoi’jödö wä’jajo’jocoomo conaadoncaicho yaawä.

MATEO 5:44

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

DUUCA 22:41

Choojonnoiñe cöntämä yaawä amoinche’cä, täju emaadö ’cäwa’cä. Yäätä tä’mudhe cönä’döi; Wanaadi wwä cöna’deuwacä;

DUUCA 23:34

Yääje mma yaawä cuduusa jäcä tajoijodaawä Jesuuquidiito cönä’döaacä: —Jaaja, choone’nadiiyöcoomo encwanno’joca; towaanojöönöcoomo mädääje nödööaato; quee cönä’döaacä. Yaawä ñanno suddau yoomö’jödö töwaadäiñe cöneemecantoicho, wä’cana’canä tödöödö’jo.

DUUCA 6:28

Adheunenaamo wwäiñe aashicha adha’deutäcä. Wanaadi wwä adha’deutäcä adheetana’tännamo jäcäiñe.

JUAN 11:11

Yää ’jeje edääje mmaja Jesuuquidiito cönä’döa’dea: —Cöjimmotoncomo Dáasado nönö’ca; öwö wöta iiñöcöödö jonno emjaca; quee.

DOSECHO 13:36

Ñäädä Dawí Wanaadi woije töweiye cönä’jaacä nudä töweichö wadaadäädä. Yaawä yääma’jäcä ijimmä cöneewaacaicho dhadai’jödö dö’tä; chääjö cöncätai yaawä.

DOSECHO 20:36

Yääje töwa’deuwödö’jo Paudo tä’mudhe cönä’döi yaawä; Wanaadi wwä cöna’deuwöi chääjäcäiñe.

DOSECHO 21:5

Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä.

DOSECHO 9:40

Yaawä Peedhodo cömja’canö’jojäätöicho jödo’na. Tä’mudhe töwö cönä’döi; Wanaadi wwä cöna’deuwöi. Yaawä yäämaajä ene’mancädä cönä’döaacä: —Aanöncä, Tawiita; quee. Ñäädä wodi cönäänushiichai yaawä; Peedhodo eneea’jäcä cönä’jäi yaawä.

1 CODINTIYO 11:30

Aneene’jutu’da Santa Seena tönenque aweijäcäiñe dhantai jäduuje’da määnetääne, cädäijeiñe mmaja, dhantai töwä’ja’e mmaja.

1 CODINTIYO 15:18

Yääje yeiya’jäcä ñanno Quidiito ecaanö’nnamo wä’jajo’jocoomo mmaja töwännanö’e naato dea.

1 CODINTIYO 15:20

Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

1 CODINTIYO 15:51

Edä owaanojöönö’jödö odhoowanääcäiñe yei’she wa: Tameedä’da töwä’ja’aamoje caato, töwenwacaamaamoje mmaane caato tameedä,

1 CODINTIYO 15:6

Yää ’jeje töwö cönäänejoi aacä soto soto quedeiyentecoomo we’jumma’como wwäiñe. Ñanno nudä dea naato eduuwa, dhantai töwä’ja’e yeichaameiñe.

1 TEESADOONISENSE 5:10

Ñäädä Jesuuquidiito cönäämai cöjääcäinchädäiñe, chääjadä cöweichöcoomo wetä. Nudä cöweiya’comjäcä chääjadä caato; cöwääma’comjäcä chääjadä dea.

2 TIIMOTEO 4:16

Awa’deene acu’shänääcomo wwä yeecamma’jodaawä ya’deunedaawä, ö’wa’tänei ’je’da cönä’jaacä; tameedäädääne ye’nomjaneeto. Chäwwäiñe Wanaadi aneejemaajo’daane yei’she wa yää.

2 PEEDHODO 3:4

Edääje nä’döaato’de: “¿Äsha’cä Quidiito nä’döi, ñäädä yeejödö cönäätäcamma’dö? Chäänönge dea dajaane weiñä weneene, cadai’choncomo’jödö wä’jajo’jocoomo jonnoto’jödöödä, edä nono tödö’jödö jonnoto’jödöödä töweiye cönä’ja’döje dea;” quee nä’döaato’de.