DOSECHO 7:56 - Wanaadi A'deddu

⁵⁶ Yaawä Eteewa cönä’döaacä: —Caju wata’ducaadö eneetäcä. Soto nnedö näänea jiidi Wanaadi nnäcä, ämu’demjönö dö’se; quee cönä’döaacä.

DOSECHO 7:56 ပူးပေါင်းရင်းမြစ်များ

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 3:16

Wautisaaje töwä’dö’jeje Jesuuquidiito cönäncui yaawä na’cwacanno. Jadheedä caju cönaata’ducai yaawä. Jesuuquidiito cöneeneaacä yaawä Epíiditu Santo wä’tädö töjääcä, jaduuma nönge, yäätäädä yeedennaajä.

MATEO 8:20

Jesuuquidiito cönä’döaacä chäwwä: —Que’cweedu täwö’que töweiye naicho, tadiiñaamo mmaja taiñanque töweiye naicho dea. Soto nnedö mmaane iiñö’tojo ’je’da na; quee cönä’döaacä Jesuuquidiito.

MAADOCO 1:10

Na’cwacanno töwäncudaawä Jesuuquidiito cöneeneaacä yaawä caju wata’ducaadö. Epíiditu Santo wä’tädö cöneedantäi yaawä jaduuma nönge, töde’wä yä’tädö.

DUUCA 3:21

Yääje mma yaawä tameedä soto wautisaaje yä’döja’comjäcä, Jesuuquidiito mmaja wautisaaje cönä’döjoi chea. Yaawä Wanaadi wwä ya’deuwödaawä caju cönaata’ducai.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

DOSECHO 10:11

Töwö caju cöneeneaacä töwaata’duca; cawonno saawana nöngato wä’tädö cöneedantäi yaawä, ijootödö waadäi inchö’dajä’ajä.

DOSECHO 10:16

Mädääje aaduwaawäde cönä’jaacä; yaawä yää saawana nöngato cönäncui chea caju ña.

DOSECHO 7:57

Yaawä ñanno soto töjaanadööcomo cöna’duicho; töcä’tömjä’ancädäiñe cöneeca’tömöicho Eteewa wwadäädä, ajäichö wetä.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 4:1

Yääje mma yaawä caju ña weneeaqueene mönaatata, ta’duque’da. Yää a’deu, janau’cwa wäätadö nönge awa’de öwwä cönäätaichö mmaja, cönäätai chea yaawä; edääje cönäätaacä: —Sadä adhäänu’cä, äwwä weneejoiye äcuude töweeja’dä’emö; quee cönäätaacä.