DOSECHO 7:55 - Wanaadi A'deddu

⁵⁵ Yaawä töwö Eteewa cönä’jaacä Epíiditu Santo jäduudu ’je; caju ña cöneene’maacä; Wanaadi nnataadö cöneeneaacä yaawä. Jesuuquidiito mmaja cöneenea’dea jiid Wanaadi nnäcä, ämu’demjönö dö’se.

DOSECHO 7:55 ပူးပေါင်းရင်းမြစ်များ

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

JUAN 11:41

Yaawä täju cöneesecaicho yäämaajä a’duaajä de’wonno. Caju ña ene’mancädä Jesuuquidiito cönä’döaacä: —Jaaja, ta’cwaiñe wa ya’deddu töneeta aweijäcä.

JUAN 12:41

Ñäädä Isaía yääje cömmennäi Jesuuquidiito jäduudu ene’jödö weijäcä töwwä; Jesuuquidiito jäcä cöna’deuwacä.

JUAN 14:3

Aweicho’como choonecaadö wä’ca’jäcä we’a’dede; yaawä manaadäaato’de, öwö weichojo dö’tä mmaja meichäiye.

DOSECHO 2:4

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 4:8

Yaawä Peedhodo Epíiditu Santo jäduudu que cönä’döaacä chäwwäiñe: —Etaatäcä änwanno soto cajiichaanaichomo, änwanno mmaja iisadaaediita ntonta’como.

DOSECHO 6:10

Tönwanno chaana’cajai’cha cönä’ja’to Epíiditu Santo nutuudu sejje que Eteewa wa’deuwödö weijäcä.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOSECHO 6:5

Yääje ya’deuwödööcomo yaacö’comje cönä’jaacä ñanno. Yaawä tönwanno cöneewaacaicho Eteewa; ñäädä cönä’jaacä Epíiditu Santo jäduudu ’je; jooje töneecanö’e cönä’jaacä. Jediipe mmaja cöneewaacaicho dea; Podoocodo mmaja; Niicanoodo mmaja; Timón mmaja; Paadameena mmaja; Niicodá mmaja, ñäädä Antiyooquía ñano, judhíoje yääwaacaajä.

DOSECHO 6:8

Eteewa wwä cönä’jaacä Wanaadi nutuudu ecaanö’tojo; Wanaadi jäduudu ’je cönä’ja’dea. Töwö soto neneedöcoomoje aashichaato tönnöe cönä’jaacä, ene’ju’tojo mmaja.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 8:1

Edääje wä’dö’se weichö mädä: Cöwwäiñe töweiye na wecammaadöjaato cöjääcäinchädäiñe Wanaadi wwä töwa’deuwemö. Töwö caju ña na Wanaadi mudei yö’tä yaatajiimaajä, ämu’demjönö dö’se.

2 PEEDHODO 1:17

Yää ñaa cöneeneaacä Cumöötoncomo Wanaadi aashicha chääjäcä cöna’deuwa’dawä, iiñataadö cöneenejoichawä. Yaawä Wanaadi wa’deuwödö cönäätaacä ñaa wwä, ñäädä Aashichaato: “Önnedö umjummadö mä’dä; ta’cwaiñe wa chääjäcä;” quee cönäätaacä.

APOOCADIISI 21:11

Wanaadi nnataadö chääjäcä cönä’jaacä. Ta’dawaane cönääneaacä yää jata, yaamante täjeeto wa’cä. Jáasepe nönge cönä’ja’dea, widiiqui wa’cä mmaja ta’dawaane yeichö.