DOSECHO 7:30 - Wanaadi A'deddu

³⁰ “Yääje mma yaawä aacä soto wedu yä’döa’jäcä Wanaadi amoodedö cönäänejoi Moisé wwä jata ’jemjönö aca, Sinaí ’jödö ña. Chuuta wätuudedö do’taca cönääneaacä ñäädä amoode.

DOSECHO 7:30 ပူးပေါင်းရင်းမြစ်များ

MAADOCO 12:26

¿Yä’ja’a’como töwaadonca yeichöcoomo jäcä ana’de’tä’da ca meiya’quene Moisé nimennä’jödö jäcä? Töwö Moisé cömmennäi chuuta wätuucadö do’tacanno töwwä Wanaadi wa’deuwö’jödö jäcä. Edääje Wanaadi cönä’döaacä chäwwä: “Öwö ñäädä Aawadán Waanadiyö, Isaaca Wanaadiyö mmaja, Jacoowo Wanaadiyö mmaja;” quee cönä’döaacä Wanaadi Moisé wwä.

DUUCA 20:37

Moisé dea yä’ja’a’como töwaadonca yeichöcoomo cöwwäiñe cöneene’ju’joi, yää chuuta wätuuca’jödö jäcä immennä’jödö jäcä naichö. Yäätä töwö Moisé Cajiichaana necamma Aawadán Wanaadiyööje yeichö, Isaaca Wanaadiyööje yeichö mmaja, Jacoowo Wanaadiyööje yeichö mmaja.

DOSECHO 7:17

“Yaawä Aawadán wwä Wanaadi necamma’jödö weja’do’tojo cu’nädö amoinche’da yä’döa’jäcä, ñanno iisadaaediitacoomo jooje cöneejanga’to Ejiito ña.

DOSECHO 7:31

Yää eneea’jäcä Moisé cönääcatoncai; amoinche’da jeene cöntäma yaawä chääjäcä, aashicha jeene eneedö wetä. Yaawä töwö cöneetaacä Cajiichaana a’deddu:

DOSECHO 7:32

“Öwö ñäädä adhaadai’choncomo Wanaadiyö, Aawadán Wanaadiyö, Isaaca Wanaadiyö mmaja, Jacoowo Wanaadiyö mmaja;” quee cönäätaacä. Moisé cöntätä’nöngacä; ene’se’da cönä’jaacä yaawä.

DOSECHO 7:35

“Ñanno iisadaaediitacoomo awa’deene Moisé cönquiiñemeecöicho, edääje cönä’döa’todö naane’: “ ¿Änääcö ayöödöne ñaa cajiichaanaije, ñaa ecamma’joneije mmaja?” quee. Yääje yeichaame Wanaadi Moisé cönnöi chaajichaanaichomooje, ewaanacaaneichomooje mmaja. Ñäädä tamoodedö chuuta wätuudedö do’taca cönäänejoichö ai Wanaadi yääje cöna’deuwöi Moisé wwä.

CAADATA 4:25

Ñäädä Acaada Sinaí ’jödö cu’tädööje na, yää Adaawiya ñano jöö. Yää jöö Jeduusadén ñano jata cu’tädööje na. Tameedä yää jataawoncomo jedeesoja’como nönge naato.