DOSECHO 6:9 - Wanaadi A'deddu

⁹ Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.

DOSECHO 6:9 ပူးပေါင်းရင်းမြစ်များ

MATEO 10:17

Äädai’chätääcä’de soto jäcäiñe. Tönwanno ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de.

MATEO 23:34

Yääje yeijäcä adöiñaiñe wene’jaato’de ya’deddu ecammannamo, töseedujä’na’como mmaja, odhoowanoomannamo mmaja. Dhantai möja’ato’de; dhantai cuduusa jäcä majoijaato’de. Anejjacoomo maiju’jä’ato’de awe’jummato’como taca; yäänejeedööcomo waadäi maje’caato’de, imaaminchadööcomo wetä.

MATEO 27:32

Ääma taawä töötädääwäiñe cöneedantoicho dhanwa Sideene ñano, Simónje chäätö. Jesuuquidiito cuduusai cönaadojoicho chäwwä.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

DUUCA 21:12

“Tameedä mädä owaajo soto adhaajäiyato’de amaaminchadööcomo wetä. Töwe’jummato’como taca adhaadäaato’de, adheecamma’jojäätödööcomo wetä. Tönwanno jedeesoje ayöödöaato’de. Cajiichaanacoomo wwadäädä adhaadäaato’de, acu’shänä wwadäädä mmaja, sootoije aweichöcoomo jo’tädööje.

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

DOSECHO 13:45

Yaawä jooje soto we’jumma’como eneea’jäcä ñanno judhío Paudo cöni’ñeimma’to. Tönwanno cönaajäntoicho dha’deddu eccujäätödö, chimmajäätödö mmaja.

DOSECHO 15:23

Tönwanno jajeeda cönaadojoicho chäwwäiñe, edääjato imennaajä: “Ñaa anonta’como, ansiyaano mmaja, eetoncomo quedeiyentecoomo mmaja, ñaa nimenna äwwadäädäiñe, änwanno quedeiyente judhíojöncomo, Antiyooquía ñancomo, Siidiya ñancomo mmaja, Sidiisiya ñancomo mmaja.

DOSECHO 15:41

Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.

DOSECHO 16:6

Yaawä Aasiya ña Epíiditu Santo Wanaadi a’deddu aneecammajoojätö’da cöneiyacä Paudo wwäiñe. Jidiijiya ñano cömja’dätoicho yaawä, Cadaasiya ñano mmaja;

DOSECHO 18:24

Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 19:26

Änwanno meneea’quene, metaatäne dea Paudo necammajäätödö. Töwö töneecammajä’e weneene wanaadije’da yeichö soto namoode’nädö. Mädääje töwö soto ni’jedaato, Eujeeso ñancomo mma’da, tameedä Aasiya weichö waadoinchomo mmajaane.

DOSECHO 21:27

Yääje mma yaawä aacä amoojato anooto yä’döa’jäcä, töwaamoichato’como jäcä ä’cajai töwä’döa’comjäcä, anejjacoomo judhío Aasiya ñancomo Paudo cöneedantoicho Wanaadi weichojo taca. Tönwanno soto cönwodoichajoicho Paudo jäcä. Paudo cönaajoicho yaawä;

DOSECHO 21:39

Yaawä Paudo cönä’döaacä chäwwä: —Judhío dajaane öwö, Taadoso ñano, yää Sidiisiya ñano jata täneejucaato. Yääje yeijäcä ya’deuwö’ñojo canno soto wwäiñe; quee cönä’döaacä Paudo.

DOSECHO 22:19

Edääje wä’döaaquene yaawä: “Cajiichaana, tönwanno dhowaanäcäiñe öwö wei’jödö, we’jummatoojo waadäi töwoomonge wei’jödö jedeesoje tödöödöcomo wetä tameedä adheecanö’nnamo, aiju’jätöödöcoomo wetä mmaja.

DOSECHO 22:3

—Judhío öwö; Taadoso ña yennune, yää Sidiisiya ñano jataawä. Eetä Jeduusadén ña yennejencane. Camaadiyeede cönä’jaacä yoowanoomaneije. Töwö yoowanoomane tameedä cadai’choncomo wätunnäi jäcä. Weichöje Wanaadi tumjumma wäänene, yeewanö jadäädä, eduuwa maatoodöje dea.

DOSECHO 23:34

Yää jajeeda a’de’tädö’jo acu’shänä wwä töwö Paudo cöneecamma’joi yaawä: —¿Äshano amäädä? quee cönä’döaacä. Yaawä Sidiisiya ñanooje yeichö eta’jäcä acu’shäna cönä’döaacä chäwwä:

DOSECHO 24:18

Yaawä waatamoichadö’jo yää tödöödöje wä’jaaquene Wanaadi weichojo taca; wanna’da soto jaadä cönä’ja’to; ewoodoicha’da mmaja wä’jaaquennea. Yaawä iiña weichö anejjacoomo judhío Aasiya ñancomo yeejodööneto.

DOSECHO 26:11

Aneedawä quedeiyentecoomo tömmaminchaiñe töweiye wä’jaaquene ye’jummato’como waadäi, quedeiyenteje yeichöcoomo e’nomjajoodö wetä. Jooje cone’da töweiye wä’jaaquene chääjäcäiñe, imaaminchadööcomo wetä anejja jataaca töötääne.

DOSECHO 6:10

Tönwanno chaana’cajai’cha cönä’ja’to Epíiditu Santo nutuudu sejje que Eteewa wa’deuwödö weijäcä.

1 CODINTIYO 1:20

Yääje yeiya’jäcä, ¿aaquene töweiyemööje ñäädä tösejjecaato nai, owaanomaanei mmaja, edä nono de’wono jäcä wätäccujä’nä dhowaanocooto mmaja? ¿Tödööto’me’da jönca Wanaadi cönnöi edä nono de’wono towaanojo’ne weiñä?

CAADATA 1:21

Yää ’jeje wötääne Siidiya ña, Sidiisiya ña mmaja.