DOSECHO 6:12 - Wanaadi A'deddu

¹² Yääje töwa’deuwödööcomo que Eteewa jäcä soto cöneetömaajoicho, inchoncomo mmaja, judhío owaanomannamo mmaja. Yaawä Eteewa maminchadö’jo ñanno cönaajoicho, cönaadoicho yaawä äcamma’jonnamo döiñaiñe.

DOSECHO 6:12 ပူးပေါင်းရင်းမြစ်များ

MATEO 26:57

Ñanno ajäiñamo’jödö Jesuuquidiito cönaadoicho yaawä Caijaasa wwadäädä, ñäädä Wanaadi wwä töwa’deuwaamo edhaajotoncomo. Yäätä cönä’ja’to judhío owaanomannamo we’jumma’como, inchoncomo mmaja.

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

DUUCA 20:1

Aneedawä anooto awä Jesuuquidiito soto cönoowanooma’to Wanaadi weichojo taca. Aashichaato wätunnä cöneecammajä’acä chäwwäiñe. Yaawä yöiña cöneejoto ñanno Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 21:27

Yääje mma yaawä aacä amoojato anooto yä’döa’jäcä, töwaamoichato’como jäcä ä’cajai töwä’döa’comjäcä, anejjacoomo judhío Aasiya ñancomo Paudo cöneedantoicho Wanaadi weichojo taca. Tönwanno soto cönwodoichajoicho Paudo jäcä. Paudo cönaajoicho yaawä;

DOSECHO 5:18

Yääje yeijäcä tönwanno anonta’como cönaajoicho; jedeeso ewöötö’tädö taca cöneewaacaicho yaawä.

DOSECHO 5:27

Yaawä adääa’comjäcä äcamma’jonnamo je’tacaiñe cönnöicho. Ñäädä Wanaadi wwä töwa’deuwaamo edhaajotoncomo cönä’döaacä chäwwäiñe:

DOSECHO 6:11

Yaawä tönwanno cöneejemaicho anejjacoomo dhanwaacomo Eteewa jäcä cone’da ya’deuwödööcomo wetä. Ñanno dhanwaacomo Eteewa cöneementa’to; cönä’döa’to: —Ñaa cöneetaacä cone’da Eteewa wa’deuwödö Moisé jäcä, Wanaadi jäcä mmaja; quee cönä’döa’to.