DOSECHO 5:31 - Wanaadi A'deddu

³¹ Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOSECHO 5:31 ပူးပေါင်းရင်းမြစ်များ

MATEO 1:21

Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MAADOCO 2:10

Edä wödööa odhoowanääcäiñe yeichö wetä Soto nnedö soto cone’nadiiyö encwanno’jojai yeichö edä nono de’wä; quee cönä’döaacä Jesuuquidiito. Yaawä töwö cönä’döaacä secumjato wwä:

MAADOCO 4:12

täne’ma ene’mataame aneene’da eiyeto, tätaajä’e etaajä’taame aneeta’da eiyetoode; töweichöcoomo mma änsa’dumincha’noto, choone’nadiiyöcoomo täncwanno’jo ei’ño yaawä; quee cönä’döaacä Jesuuquidiito.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DUUCA 24:47

Jeduusadén ñano jonnoto’jödöödä töwö chäätö joi tameedä soto wwäine ätääcammajai ña tötö’tajäätödööcomo sha’duminchatoojo, töcoone’nadiiyöcoomo encwanno’jotoojoje.

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 13:23

Dawí weichöje Jesuuquidiito cönä’jaacä, ñäädä iisadaaediitacoomo Ewaanacaaneichomooje Wanaadi cönaanontäichö, jenaadä töneecamma’jödö nönge dea.

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 4:11

Ñäädä Jesuuquidiito yää täju änwanno maa amännamo michiiñeme’täneedö. Yää täju anno’tojooje na eduuwa.

2 CODINTIYO 2:10

Ñäädä choone’nadiiyö anencwanno’jodööcomo öwö mmaja wencwannä’ja dea. Yää wencwanno’joneedö äjääcäinchädäiñe wencwanno’jone, Quidiito owaadäädä,

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

JIDIIPENSE 3:20

Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

CODOOSENSE 1:14

Ñäädä Iiñedö cäwaanacaatäne töwäämadö que; töwö cöcoone’nadiiyöcoomo cönencwanno’joi.

TIITO 1:4

Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.

TIITO 2:10

Tämeene’daane nei’ña’to. Chäänönge tödööjai ñaato tameedä tötaadawaajuichomo, tameedä soto eneiyeto yaawä Cäwaanacaaneichomo Wanaadi a’deddu aashicha yeichö.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 2:10

Tameedä tödööajä naadö Wanaadi wwonooje na; töwö iiñödö dea mädä tameedä. Töwö tameedä tönnacoomo aashicha töweichö nönge dea tödö’se cönä’ja’to. Yääje yeijäcä aashicha cöntö’taacä chäwwä wäntunaanö’nä que Jesuuquidiito shoomadö, ñanno töneewanaacadö ewaanacaaneichomooje.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

2 PEEDHODO 1:11

Yaawä adheemu’däneichomo ’je’da Wanaadi aweichöcoomoje ayöödöaato’de Cädhaajotoncomo sotoije, ñäädä Cäwaanacaaneichomo Jesuuquidiito.

2 PEEDHODO 2:20

Tönwanno edä nono de’wono conemjönö jonno cönä’sancwaicho Cajiichaana Jesuuquidiito towaanäcäiñe tödöödö que, ñäädä Cäwaanacaaneichomo. Yää ’jeje yää aca mmaja töwaatashiichuudäja’comjäcä, chäwwä töwooto’jodheinchaja’comjäcä mmaja, cone’da’cä jeene yeicho’como na yaawä, jenaadä yei’jocoomo o’nä’cä jeene.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.