DOSECHO 5:2 - Wanaadi A'deddu

² Ñäädä Aananía cönäätäncu’täi yää töneejemaajo’jödö jäcä. Töwö anonta’como wwä cuntui yaato mma, tameedäädotooje e’tancädä; yaato mmaane töwwä cönnoi. Ijiiñamo dhowaanäcä cönä’jaacä yäätäncu’tädö.

DOSECHO 5:2 ပူးပေါင်းရင်းမြစ်များ

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

JUAN 12:6

Wentumja’como jäcä chö’tajäätö’da töweichaame yääje Juudha cönä’döaacä, tämeene töweijäcääne. Ñäädä Juudha cönä’jaacä töjöödataichomo edhaajäje ñeewaacadööcomo; yää töneememme’que töweiye cönä’jaacä.

DOSECHO 2:44

Ñanno ecaanö’nnamo aata’deucwe töweiye cönä’ja’to; tameedäädotooje tönnödööcomo tönnöe cönä’ja’to.

DOSECHO 4:37

Ñäädä José tönaudädö cöneejemaajoi; chääje’jödö cuntui yaawä anonta’como wwä.

DOSECHO 5:1

Anejja dhanwa mmaja tönaudädö cöneejemaajoi chea. Ñäädä cönä’jaacä Aananíaje chäätö; ijiiñamo eetö ’quene Saujiida.

DOSECHO 5:3

Yaawä Peedhodo cönä’döaacä Aananía wwä: —Aananía, ¿aaquene Caajuushawa ätö’tajäätödö aca nä’döi chea Epíiditu Santo encu’tädo wetä äwwä anaudä’jödö eje’jödö jäcä?

DOSECHO 5:8

Yaawä Peedhodo ñäädä cöneecamma’joi: —¿Yää ’cäwa’cä dämma cönä’jaacä anaudo’jocoomo eje’jödö? quee cönä’döaacä. Ñäädä wodi cöneccujä’acä: —Ee, yää ’cäwa’cä mma’ne; quee cönä’döaacä.

JIDIIPENSE 2:3

Änwanno mma awei’sheiñe aweiyancädäiñe’da eichäcä, o’jodhe awei’sheiñe aweiyancädäiñe’da mmaja. Edääjeene eichäcä: O’jodhe ätö’tajä’ancädäiñe’da ajimmotoncomo adhe’jodheiñe tödöötäcä.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.