DOSECHO 5:16 - Wanaadi A'deddu

¹⁶ Anejjacoomo amoinchemjöncomo ijaatadööcomo töwe’e cönä’ja’to Jeduusadén ña, cädäija’como dha’me, odo’sha ’ja’como dha’me mmaja. Tameedä töwaadonca cönä’ja’to.

DOSECHO 5:16 ပူးပေါင်းရင်းမြစ်များ

MATEO 2:16

Yaawä, ñanno jöwaiñamo wwäiñe täncu’tä’jödö towaanäcä yä’döa’jäcä, Edoodhe cönäätömai jooje. Tameedä mudeeshi’chä Wedén ñancomo töjaajodööcomo cönaanontäi yaawä, Wedén ñano jäcä amoinchemjöncomo mmaja. Dhanwaacomo’cä dea mma cömja’ja’to, yeenötoncomo enaawoncomo dea mma, aacä weduuto jona tödööene, mädä ’cäwa’cä numa yeichö ecamma’jödö weijäcä jöwaiñamo wwäiñe awa’deene töwwäiñe shidiichä ene’jödö.

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MATEO 8:16

Yaawä cho’momöödawä Jesuuquidiito döiña soto cönnejooto odo’sha ’ja’como. Töwö cömja’canö’joicho odo’shancomo tooniye töwa’deuwö’jödö que mma. Tameedä cädäija’como mmaja cönaadoncaicho dea.

DUUCA 5:17

Aneedawä anooto awä Jesuuquidiito cönä’jaacä owaanomaadöje. Yäätä cönä’ja’to jaadiseeo wataajima’como, judhío owaanomannamo mmaja, tameedä Caadideea ñano jataawoncomo we’a’como, Judheea ñano jataawoncomo we’a’como mmaja, Jeduusadén ñancomo we’a’como mmaja. Wanaadi jäduudu ’je Jesuuquidiito cönä’jaacä yaawä, soto adoncatoojo.

DUUCA 6:18

Odo’sha ’ja’como wäntunamjödö mmaja cönääjichö’täjoicho dea chäwwä.

DUUCA 9:11

Soto wwäiñe iiña yeichö eta’jäcä, cönaaje’caicho yaawä. Töwö aneenejä’täiñe’da’da cöneiyacä; Wanaadi töcaajichaanaije weiñä jäcä cöneecammajä’acä chäwwäiñe. Cädäija’como cönaadoncaicho dea.

JUAN 14:12

Chäänönge yääje wä’döa äwwäiñe, öwö yeecanö’nei, öwö önnödö nönge mmaja nödööa’dede. Önnödö e’jodhe’cä nödööa’de, Jaaja döiña öötädö weijäcä.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOSECHO 5:15

Ñanno soto cädäija’como tömja’ca cönä’ja’to jödo’na; ääma taawä tönnöe cönä’ja’to chä’wötööcomo jo, Peedhodo owaajo, yeeja’dätäädawä chääcato ajoojodö wetä.

DOSECHO 5:17

Yaawä Wanaadi wwä töwa’deuwaamo edhaajotoncomo, ijimmotoncomo saadhuseeo mmaja, tö’neiñe cönä’ja’to.

1 CODINTIYO 12:9

Anejja wwä mmaane ecaanö’tojo nä’tua, ñäädä dea Epíiditu Santo ai; anejja wwä ’quene cädäija’como ejiichö’toto’como, Epíiditu Santo ai mmaja.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.