DOSECHO 4:5 - Wanaadi A'deddu

⁵ Yää jenamma naadöje Jeduusadén ña cöne’jummaicho yaawä ñanno soto cajiichaanaichomo, inchoncomo mmaja, judhío owaanomannamo mmaja.

DOSECHO 4:5 ပူးပေါင်းရင်းမြစ်များ

MAADOCO 15:1

Yaawä tööjanaacadä Wanaadi wwä töwa’deuwaamo edhaajotoncomo cöne’jummaicho inchoncomo jadäiñe, judhío owaanomannamo jadäiñe mmaja, tameedä äcamma’jonnamo jadäiñe mmaja. Tönwanno tömööe Jesuuquidiito cönaadoicho; Pidaato wwä cuntuicho.

DUUCA 20:1

Aneedawä anooto awä Jesuuquidiito soto cönoowanooma’to Wanaadi weichojo taca. Aashichaato wätunnä cöneecammajä’acä chäwwäiñe. Yaawä yöiña cöneejoto ñanno Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja.

DUUCA 22:66

Yaawaana’jäcä inchoncomo cöne’jummaicho, ñanno judhío edhaajotoncomo; Wanaadi wwä töwa’deuwaamo edhaajotoncomo cöne’jummaicho dea, judhío owaanomannamo mmaja. Ecamma’jotoojo taca Jesuuquidiito cönaadoicho. Ñanno äcamma’jonnamo cönä’döa’to chäwwä:

DUUCA 23:13

Yaawä Pidaato cöni’jummaicho ñanno Wanaadi wwä töwa’deuwaamo edhaajotoncomo, cajiichaanaja’como mmaja, jooje anejjacoomo soto mmaja.

DUUCA 24:20

Yaawä Wanaadi wwä töwa’deuwaamo edhaajotoncomo, ñaa cajiichaanaichomo mmaja, cuntuicho ñäädä, emaadö a’de’tädö wetä, cuduusa jäcä ajoijojoodö wetä mmaja,

DOSECHO 4:8

Yaawä Peedhodo Epíiditu Santo jäduudu que cönä’döaacä chäwwäiñe: —Etaatäcä änwanno soto cajiichaanaichomo, änwanno mmaja iisadaaediita ntonta’como.

DOSECHO 5:34

Yaawä äcamma’jonnamo antawäiñe cönä’jaacä jaadiseeo, Camaadiyeede täätö. Töwaanojo’ne töwö cönä’jaacä jenaado’jä waanontänä owaanomaadö jäcä. Tameedä soto tönoiñe töneene cönä’ja’to. Ñäädä Camaadiyeede cönammöi yaawä; anonta’como jödo’na cömja’canö’joicho a’dhe.

DOSECHO 6:12

Yääje töwa’deuwödööcomo que Eteewa jäcä soto cöneetömaajoicho, inchoncomo mmaja, judhío owaanomannamo mmaja. Yaawä Eteewa maminchadö’jo ñanno cönaajoicho, cönaadoicho yaawä äcamma’jonnamo döiñaiñe.