DOSECHO 4:34 - Wanaadi A'deddu

³⁴ Yäntunamjödö ’je’da cönä’jaacä dhantawäiñe. Ñanno tönaudäca’como, tömmaicha’como mmaja, yää töneejemaajo cönä’ja’to;

DOSECHO 4:34 ပူးပေါင်းရင်းမြစ်များ

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

MAADOCO 10:21

Jesuuquidiito tujunne cöneene’maacä ñäädä dhanwa. Töwö cönä’döaacä chäwwä: —Töweiye dea na äwwä tödööemö. Tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwäiñe, caju ñaane tönsomaaque meiye. Ä’cäde’de yaawä; öwö umjummadö woije eichä’de yaawä. Cone’da männöi’che jääcäinchädä äwäntunamjödö, cuduusa jäcä adhaajoijodö jadä’jödöödä; quee cönä’döaacä Jesuuquidiito.

DUUCA 12:33

Äwwäiñe naadö u’jä’täcä, chääje’jödö manu’täiye yaawä wentumja’como wwäiñe. Ajöödataichomo ewöötö ännötääcä ijumjäje töwä’döemjönööne. Caju ñanoone onsomaadöcoomoje i’jummatääcä, yää ataamejöönö. Iiña tämeenato omoomö’da, cödhaucwä änäu’cwa’da mmaja.

DUUCA 16:9

“Yääje wä’döa äwwäiñe, edä nono conemjönö de’wono mösooma que aashichaato tödöötäcä’de ajimmotoncomo jäcä; yää mösooma wataamea’jäcä adha’dejjannamo töweiye yeichö wetä, weichojo töwaatamemjönö ña äwä’döa’comjäcä.

DUUCA 22:35

Yääje mma yaawä Jesuuquidiito cönä’döaacä tönoowanoomadö wwäiñe: —Yaawä töcanwaiche’da manaanontätäänedaawä, ajöödataichomo ewöötö ’je’da mmaja, asaajatuichomo ’je’da mmaja, ¿äwwäiñe tujunnato ’je’da jönca cönä’jaacä? quee cöneecamma’joicho. —Ng’jn; quee cöneccujä’a’to ñanno.

DOSECHO 2:45

Tönwanno tönsomaadöcoomo töneejemaajo cönä’ja’to, tameedä töwwäiñe cönä’ja’dö; yaawä chääje’jödö töneecamo cönä’ja’to anejjacoomo wwä, a’que yeichö woije.

DOSECHO 4:37

Ñäädä José tönaudädö cöneejemaajoi; chääje’jödö cuntui yaawä anonta’como wwä.

2 CODINTIYO 8:14

Äänönge awei’sheiñe weijäcä mmädääne yääje wä’döa. Eduuwa jooje äwwäiñe yeijäcä i’wa’täjai maato a’que yeichöcoomo. Aneedawä chäwwäiñe jooje töweiye yeichawä tönwanno daja ä’wa’täjaiñe naato a’que aweiya’comjäca. Mädääje äänöngeiñe eijai maato,

1 TEESADOONISENSE 4:12

Yaawä quedeiyentejöncomo aashicha chö’tajä’jai ñaato äjääcäiñe. Mädääje aweiya’comjäcä a’que’da’da äwwäiñe na’de.

1 TIIMOTEO 6:19

Mädääje äcuudatooje tönsomaadöcoomo i’jummajai ñaato, yeichöödoto weiñä ejoodöiyeto yaawä.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.