DOSECHO 4:29 - Wanaadi A'deddu

²⁹ Cajiichaana, eduuwa tönwanno ñaa ecaatonca’se naato; yääje yeijäcä ñaa jäduudu änu’cä, ñaa adhaanonö, tösaade’da adha’deddu ñaa ecammajäätöiye.

DOSECHO 4:29 ပူးပေါင်းရင်းမြစ်များ

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 26:26

Määdhä cajiichaana Aaquidiipa dhowaanäcä na mädä jäcä; yääje yeijäcä sa’donna ya’deuwa ñeetadööje. Mädä wecammajä’aadö täcaademjönööjönö mädä.

DOSECHO 28:31

Chäwwäiñe töneecammajä’e cönä’jaacä Wanaadi töcaajichaanaije tödöödö jäcä. Cajiichaana Jesuuquidiito jäcä tönoowanoomaiñe cönä’ja’dea. Anejja aneecammajoojätö’da töweiye cönä’jaacä chäwwä.

DOSECHO 4:13

Ñanno soto cajiichaanaichomo cöneeta’jöjäätöicho yaawä jäduuje Peedhodo, Juan wa’deuwödööcomo eta’jäcä. Tönwanno dhowaanäcäiñe cönä’jaacä Peedhodo jooje oowanooma’da yei’jocoomo. Yaawä Jesuuquidiito jadoncomo’jödööje yeichöcoomo cöntö’tammecöicho.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 9:27

Yaawä Waanawé cönaadäi anonta’como döiñaiñe. Töwö cöneecammajäätöi chäwwäiñe ääma tai yeejödaawä Jesuuquidiito ene’jödö Saudo wwä, chäwwä Jesuuquidiito wa’deuwö’jödö mmaja. Damaacu ña tösaade’da Saudo necammajäätö’jödö mmaja Waanawé cöneecammajäätöi chea anonta’como wwä.

DOSECHO 9:28

Yaawä Saudo cöno’nomjoi Jeduusadén ña; chääjadäiñe töwäämannä’e töweiye cönä’jaacä.

1 CODINTIYO 14:13

Ñäädä anejja a’deucwato wa’deuwödö Wanaadi wwä e’ca’jai ña töwa’deuwö’jödö ecammatoojo soto wwäiñe.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;