DOSECHO 4:27 - Wanaadi A'deddu

²⁷ “Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.

DOSECHO 4:27 ပူးပေါင်းရင်းမြစ်များ

MATEO 14:1

Yääje mma yaawä cajiichaana Edoodhe cöneetaacä Jesuuquidiito ecaadö.

MATEO 14:3

Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.

MATEO 14:6

Yaawä Edoodhe wennu’jödö cu’nädö anootoi’chädö awä tönwanno cönänwa’to. Edoodhía nnedö cönänwaacä ñeenedööcomooje. Edoodhe wacö’je yää cönä’jaacä.

MATEO 21:28

Yaawä Jesuuquidiito cönä’döaacä: —¿Aaquene nichö’taanä äwwäiñe edä wecammaadö? Dhanwa cönä’jaacä, aacä iiñacoomo. Töwö cönä’döaacä yui wwä: “Audaajä aca eneeta, dhanwa;” quee cönä’döaacä.

MATEO 23:37

“Änwanno Jeduusadén ñancomo, Wanaadi wa’deuwödö ecammannamo töja’nnamo, äwwadäädäiñe anonta’como täju que töwääjä’nnamo; wameedi tönnacoomo tajä’sai o’nä tönnöe naichöje dea öwwadäädä adheenejö’seiñe wääneneedö’je, yääje awei’sheiñe’daane’ änwanno.

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MAADOCO 10:33

cönä’döaacä: —Jeduusadén ña cöötaato eduuwa. Iiña Soto nnedö nä’tuja’de Wanaadi wwä töwa’deuwaamo edhaajotoncomo wwäiñe, judhío owaanomannamo wwäiñe mmaja. Tönwanno emaadö na’de’taato’de. Judhíojöncomo wwäiñe nu’aato’de yaawä.

MAADOCO 15:31

Mädääje mmaja Wanaadi wwä töwa’deuwaamo edhaajotoncomo cönenno’jä’a’to, dea, judhío owaanomannamo mmaja. Tönwannö cönä’döa’to: —Anejjacoomo töneewanaacaiñe cönä’jaacä; töwö dea ääwanaacajai’cha na eduuwa.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 22:63

Ñanno Jesuuquidiito edai’chännamo cönenno’jä’a’to; cönaiju’jä’a’to dea.

DUUCA 23:1

Yaawä ñanno jooja’como soto cönammöicho, Jesuuquidiito cönaadoicho Pidaato wwadäädä.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

DUUCA 9:22

Töwö cönä’döaacä chäwwäiñe: —Soto nnedö töwäntunaanö’emööje na; töwä’quiiñeme’joomöje na dea inchoncomo wwä, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Tönwanno nemaato’de. Yaawä aaduwaawä anoototo ai töwö naadonca’de; quee cönä’döaacä.

JUAN 1:11

Töwö tönoonodö de’cäi yä’dö’jödö weichaame ijimmä ämjumma’da cöneiya’to.

JUAN 10:36

Jaaja ye’täne edä nono de’cäi töwe’emööje. Yääje yeijäcä ¿ane’que’nei cone’da Wanaadi jäcä wa’deuwödö me’taato iiñedööje wäätä’tädö weijäcä?

JUAN 18:28

Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

JUAN 18:29

Yaawä Pidaato cöneeja’cai jödo’na, ñanno judhío omomjöncomo’jödö döiñaiñe. Töwö cönä’döaacä chäwwäiñe: —¿Ane’cäämö jäcäinchädä määdhä dhanwa mene’to öwwadäädä? quee cönä’döaacä.

JUAN 19:34

Tooni suddau sucuuji che cönwäi shuudadö ai. Munu cöneeja’cai yaawä, tuna mmaja.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 2:27

yä’ja’a’como weicho’como ña näämä’da aweijäcä, adhaanonö ämjummadö äncä’nojo’da aweijäcä mmaja.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.