DOSECHO 4:21 - Wanaadi A'deddu

²¹ Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

DOSECHO 4:21 ပူးပေါင်းရင်းမြစ်များ

MATEO 15:31

Ñanno soto cönääcatoncaicho yaawä, töwwäiñe eneea’jäcä ta’deudemjöncomo wa’deutadööcomo, töwe’tamonga’como waadoncadööcomo mmaja, secumja’como sheecuncadööcomo mmaja, tänuuquemjöncomo enu’tädööcomo mmaja. Aashicha cöna’deuwa’to yaawä iisadaaediitacoomo Wanaadiyö jäcä.

MATEO 21:46

Tönwanno ajäi’she cönä’ja’to. Yaawääne’ soto cönnonta’to, töneecanö’e yeichomjäcä Wanaadi wa’deuwödö ecammaneije Jesuuquidiito weichö.

MATEO 26:5

Tönwanno cönä’döa’to: —Tanööcö dö’täiñe mmaane ajäijai’cha caato, soto mma ewoodoicha’noto; quee cönä’döa’to.

MATEO 9:33

Odo’sha ija’canö’ja’jäcä Jesuuquidiito wwä, ñäädä ta’deudemjönö cöna’deutai yaawä. Soto cönääcatoncaicho yaawä; cönä’döa’to: —Mädä nöngato aneene’da töweiye caato Iisadaaede ña; quee cönä’döa’to.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 13:17

Mädääje yä’dö’jödö weijäcä tameedä chu’de’tännamo cöneejöichoicho. Soto mmaane cöna’cwainchaicho Jesuuquidiito wwä aashichaato tödöödö eneedö’jo.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 20:6

Dha’da ’quene, “Soto woijato mma cönä’jaacä;” ca’jäcä, tameedä soto täju que cöwääjä’jaiñe naato, Wanaadi anoonöje Juan ecaanö’eetö’da chäwwäiñe; quee cönä’döa’to ñanno judhío edhaajotoncomo.

DUUCA 22:2

Yaawä Wanaadi wwä töwa’deuwaamo edhaajotoncomo, judhío owaanomannamo mmaja, a’que cunuujiya’to Jesuuquidiito emaatojo. Tönwanno soto cönnonta’to.

DUUCA 5:26

Tameedä ñanno soto cönääcatoncaicho. Aashicha Wanaadi jäcä cöna’deuwa’to yaawä. Töwääcatoncadööcomooje cönä’döa’to: —Tönoiñato queeneto eduuwa; quee cönä’döa’to.

DOSECHO 4:17

Edääje tödööjai caato tameedä soto wwäiñe mädä wecaatadö queiñe: Täcaatoncaane queecatoncatäiye, eduuwa naadö jonno anejjacoomo wwä Jesuuquidiito jäcä aneecammajäätö’da yeichöcoomo wetä; quee cönä’döa’to Peedhodo jäcäiñe.

DOSECHO 4:22

Ñäädä dhanwa, yää aashichaato tödöödö que cönaadoncaichö, cönä’jaacä aacä soto weduuto e’jodhe.

DOSECHO 5:13

Anejjacoomo soto mmaane tösaade töweiye cönä’ja’to, chääjadäiñe töwoojodö’seiñe’da. Yääje yeichaame tameedä soto wacö’comje ñanno quedeiyentecoomo cönä’ja’to.

DOSECHO 5:26

Waadiya edhaajotoncomo cöntonto yaawä suddau jadäiñe ñanno anonta’como wetäiñe. Cönaadoicho yaawä imaaminchancädäiñe’da soto wwäiñe täju que töwääjätöödöcoomo queiñe.

DOSECHO 5:40

Ñanno cöneeta’to dha’deddu. Anonta’como cöna’dejjaicho yaawä; taiju’jä’e mma cönaiju’jätöicho; cönä’döa’to chäwwäiñe: —Jesuuquidiito jäcä mma maneecammajä’täi’che eduuwa; quee cönä’döa’to. Cönenno’jaicho yaawä.