DOSECHO 3:6 - Wanaadi A'deddu

⁶ Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.

DOSECHO 3:6 ပူးပေါင်းရင်းမြစ်များ

MATEO 10:9

“Oodo, jödaata mmaja, anejja yää nöngato mmaja, manaadätäi’che.

MATEO 7:22

Yää anooto awä jooje soto nä’döaato’de öwwä: “Cajiichaana, Cajiichaana, adha’deddu töneecammajä’e töweiye ñaa cönä’jaacä, adheetö joi odo’shancomo tömja’canö’jo ñaa cönä’ja’dea; adheetö joi chea jooje täneemö tönnöe ñaa cönä’ja’dea;” quee nä’döaato’de öwwä.

MAADOCO 14:8

Mä’dä wodi nödöi tödööjai töweichö woije. Töwö juu shimi’jotoojo que jöi nono aca yeewaacadö owaajo.

MAADOCO 16:17

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de.

JUAN 19:19

Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 16:18

Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 3:16

Ñäädä eetö joi ecamjödö weijäcä naadoncai määdhä dhanwa mene’maatoodö, odhoowanoocomo. Yääne, ecamjödööne nadoncai määdhä aneenedööcomooje.

DOSECHO 3:5

Ñäädä secumjato cöneene’ma’to; jödaata töwwä u’aatäi cöneecanö’acä Peedhodo wwäiñe.

DOSECHO 3:7

Yaawä Peedhodo cönannäjöi dhamäädö ämu’demjönö que. Yaawä dea mma i’judu cönä’jädu’täi, yaucwadiiyö mmaja.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 4:7

Ñanno Peedhodo cönne’joicho yaawä, Juan acä. Tantawäiñe tödöödöcoomo’jo cöneecamma’joicho: —¿Änääcö necamma’jödö woije mädääje maato? ¿Änääcö eetö joi tönnöe määnetääne? quee cönä’döa’to Peedhodo wwäiñe.

DOSECHO 9:34

Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

1 CODINTIYO 4:11

Eduuwa naadö jona tödööene ämiije ñaa weneene, emjätö’se mmaja, töwonque’da mmaja; töwäätä’maminchajo ñaa weneene dea soto wwäiñe; tömmaiche’da mmaja ñaa na dea.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.