DOSECHO 3:26 - Wanaadi A'deddu

²⁶ Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 3:26 ပူးပေါင်းရင်းမြစ်များ

MATEO 1:21

Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.

MATEO 15:24

Yääje mma yaawä töwö Jesuuquidiito cönä’döaacä: —Oweeja sadiijanga’como jäcäinchädäiñe Wanaadi yaanontäne, ñanno iisadaaediitacoomo mma; quee cönä’döaacä Jesuuquidiito tönoowanoomadö wwäiñe.

DUUCA 24:47

Jeduusadén ñano jonnoto’jödöödä töwö chäätö joi tameedä soto wwäine ätääcammajai ña tötö’tajäätödööcomo sha’duminchatoojo, töcoone’nadiiyöcoomo encwanno’jotoojoje.

JUAN 4:22

Änwanno samaaditaanocoomo iiña mmädä Wanaadi wwä töwa’deuwe määnetääne, töwö odhoowanääcäiñe’da yeichaame. Ñaa mmaane towaano wwä töwa’deuwe ñaa weneene, judhíocoomo jonnoto we’ajääne wääwanaacatoojo weiyajä.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 26:20

Awa’deene wecammajä’ne Damaacu ñancomo wwä; yää ’jeje Jeduusadén ñancomo wwä mmaja, tameedä Judheea ñancomo wwä mmaja; judhíojöncomo wwä wecammajä’ne dea. Edääje töwä’döe wä’jaaquene chäwwäiñe: “Ätö’tajäätödööcomo sha’duminchatääcä, Wanaadi wwadäädä ä’jedennacaatäcä. Aashichaato tödöötäcä chö’tajäätödööcomo wesa’dumincha’como weichö nönge deaane;” quee töwä’döe wä’jaaquene chäwwäiñe.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 3:20

Töwö äwwadäädäiñe nanonta’de Jesuuquidiito, ñäädä Äwaanacaanei, jenaadä äwwadäädäiñe töwe’emööje e’taajä cönä’ja’dö.

DOSECHO 3:22

Edääje Moisé cönä’döaacä cadai’choncomo wwäiñe: “Aneedawä Cajiichaana Wanaadi töwa’deuwödö ecammanei nanonta’de äwwadäädäiñe, öwö yaanontäneedöje mmaja; ajimmotoncomooje dea na’de. Tameedä tödöötäcä’de töwö ñeecammajäätödö woije.

DOSECHO 3:25

Änwanno ñanno Wanaadi wa’deuwödö ecammannamo weichö. Adheecammancädäiñe mmaja Wanaadi aashichaato cöneecammai cadai’choncomo Aawadán wwä. Edääje töwö Wanaadi cönä’döaacä Aawadán wwä: “Adhaatödö jäcäinchädäiñe aashichaato wödööa’de tameedä soto edä nono de’woncomo jäcä;” quee cönä’döaacä Wanaadi.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 15:29

Yoowanääcä na adöiñaiñe ööta’jäcä Quidiito nutuudu aashichaato dha’me täjai weichö.

DOMAANO 15:8

Edääje wä’döa äwwäiñe: Quidiito cöneejä judhío wwäiñe tödööneije, chäänönge tödöödö wetä yää ñaa adaichö wwäiñe Wanaadi necamma’jödö, eneejodö wetä mmaja chäänönge Wanaadi töneecamma’jödö tönnöe yeichö.

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.