DOSECHO 3:23 - Wanaadi A'deddu

²³ Ñäädä ñeecammajäätödö eta’semjönö nätäämaja’de, iisadaaediitacoomo jonno nä’sancwaja’dede;” quee cönä’döaacä Moisé cadai’choncomo wwäiñe.

DOSECHO 3:23 ပူးပေါင်းရင်းမြစ်များ

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

JUAN 8:24

Yääje yeijäcä yääje wä’döaanä äwwäiñe: “Änwanno mä’ja’aato’de ocoone’nadiiyöcoomo ’je dea;” quee. Yeecamjö’da aweiya’comjäcä ocoone’nadiiyöcoomo ’je mä’ja’aato’de; quee cönä’döaacä Jesuuquidiito.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

EEWEDEO 10:39

Ñannojöönööne cönwanno töwännamjödööcomo wetä iiña mmaja töwennaca’comoojönööne; ecamjödö ’ja’comoone cönwanno, töwääwanaacaamoone.

EEWEDEO 12:25

Yääje yeijäcä töquiiñeme’que mma mänquiiñeme’täi’che ñäädä cöwwäiñe na’deuwaadö. Ñanno töwä’cuseijadööcomo aneemaicha’da cöneiya’todö naane’, edä nono de’wä Wanaadi wwä töwäätuujadööcomo cönquiiñemeecöichodö. Töwaacö’je cönwanno Wanaadi wwä cöwä’cuseijajoodöcoomo emaichajai’cha caato ñäädä caju ñanno cöwwäiñe na’deuwaadö chiiñeme’ca’jäcä.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.