DOSECHO 3:20 - Wanaadi A'deddu

²⁰ Töwö äwwadäädäiñe nanonta’de Jesuuquidiito, ñäädä Äwaanacaanei, jenaadä äwwadäädäiñe töwe’emööje e’taajä cönä’ja’dö.

DOSECHO 3:20 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 24:3

Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MAADOCO 13:26

Yaawä Soto nnedö neneeaato’de ca’dutu de’wä yeejödö, jäduuje, tawaanato töjääcä.

DUUCA 19:11

Soto wwäiñe töneecammajäätödö etaadawä, Jesuuquidiito cöna’deuwöi chäwwäiñe yö’seenoje. Jeduusadén ñano jäcä amoinche’da Jesuuquidiito weijäcä yaawä dea mma Wanaadi cajiichaanaje yeichö yäänejaatäi ñanno soto cöneecanö’a’to.

DUUCA 21:27

Yaawä Soto nnedö neneeaato’de ca’dutu de’wä yeejödö, jäduuje, tawaanato töjääcä.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOSECHO 3:21

Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.

2 TEESADOONISENSE 2:2

Ä’sadiijannä’cajo’da eichäcä chäänönge ätö’tajäätödööcomo jonno; atansu’däjo’da mmaja eichäcääde. Ätääcatoncajo’da mmaja eichäcä’de anejjacoomo wwä, edääje yä’döa’comjäcä: “Cajiichaana Jesuuquidiito weejödö tö mädä;” ca’jäcä. Wanaadi woije yääje chäwwäiñe ecammajäätödö yeiyaatäi maneecanö’täi’che. Ñaa nimennädööjatooje e’taajä jajeeda äwwadäädäiñe adääjaajä yääje mmaja yä’döa’jäcä, maneecanö’täi’chede.

2 TEESADOONISENSE 2:8

yaawä jeene nääneja’de ñäädä conemjönö tödöödö edhaajä. Töwö nätäämaja’de yaawä Cajiichaana Jesuuquidiito eta’jiño que. Jesuuquidiito weejödö nawaananö’cadö que dea mma töwö nääma’de.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.