DOSECHO 3:19 - Wanaadi A'deddu

¹⁹ Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOSECHO 3:19 ပူးပေါင်းရင်းမြစ်များ

MATEO 13:15

Canno soto töwäätuujacoone’da naato, töjaanaque’daiñe mmaja; tänu’dueiñe mmaja naato dea, tänuuducoomo que aneene’da töweichöcoomo wetä, töjaanadööcomo que aneeta’da töweichöcoomo wetä mmaja, chö’tajäätö’noto yaawä, äntö’tammecö’noto yaawä, töweichöcoomo änsa’dumincha’notoode, tadoncadööcomo wetä yaawä öwwä; quee Isaía nimennä’jödö wä’dödö na.

MATEO 18:3

Töwö cönä’döaacä yaawä: —Chäänönge yääje wä’döa äwwäiñe, mude’cä’cä nönge ä’dö’da aweiya’comjäcä, Wanaadi acaajichaanaichomooje eijai’cha na.

DUUCA 1:16

Töwö niiñacaanö’jaato’de jooje iisadaaediitacoomo Tädhaajotoncomo Wanaadi wwadäädä.

DUUCA 22:57

Töwö Peedhodo cöneejome’däi yaawä; cönä’döaacä: —Yoowanoojönö ñäädä mecammaadö; quee.

DOSECHO 1:6

Tujuumä töweichöcoomo ñanno anonta’como Jesuuquidiito cöneecamma’joicho: —Cajiichaana, ¿eduuwaane ca iisadaaediitacoomo jäduuje mödööanto, anejjacoomo sotoije’da? quee cönä’döa’to.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOSECHO 15:3

Ñanno Paudo cöntonto Antiyooquía ñancomo quedeiyente nanontädööcomo woije. Yaawa töötädaawäiñe Jeniisiya chäcä cöneeja’dätoicho, Samaadiya chäcä mmaja. Tönwanno cöneecammajä’a’to töwäätunnäichomo e’nomja’jödö judhíojöncomo wwä, Wanaadi ecamjödö wetä töwwäiñe. Tameedä quedeiyentecoomo ta’cwaiñe cönä’ja’to yää eta’jäcä.

DOSECHO 17:26

“Töwö Wanaadi cönnöi tameedä soto yää dea dhaquiiyöje, tameedä nono weichö wa’cä yeichöcoomo wetä. Töwö cuncu’nä’täi yeicho’como, ijaatadööcomo weichojo mmaja.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 28:27

Canno soto töwäätuujacoone’da naato, töjaanaque’daiñe mmaja, tänu’dueiñe mmaja naato dea, tänuuducoomo que aneene’da töweichöcoomo wetä, töjaanadööcomo que aneeta’de töweichöcoomo wetä mmaja, chö’tajäätö’noto yaawä, äntö’tammecö’noto yaawä, töweichöcoomo änsa’dumincha’notoode tadoncadööcomo wetä yaawä öwwä; quee cönä’döaacä Epíiditu Santo Isaía ntai.

DOSECHO 3:20

Töwö äwwadäädäiñe nanonta’de Jesuuquidiito, ñäädä Äwaanacaanei, jenaadä äwwadäädäiñe töwe’emööje e’taajä cönä’ja’dö.

DOSECHO 3:21

Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.

DOMAANO 11:25

Änwanno jimmä, edä owaanojöönö’jödö odhoowanääcäiñe yei’she wa, o’jodhe ätö’tajäätödööcomo queiñe: Ñanno iisadaaediitacoomo dhantai cöntäijamöicho, ñanno judhíojöncomo Wanaadi sotoije töwä’döaamo yääwanaacadööcomo wa’cä mma.

2 TEESADOONISENSE 1:10

töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.

2 TEESADOONISENSE 1:7

Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

2 PEEDHODO 3:8

Jimmä umjummadö, odhoowanääcäiñe tödöötäcä tooni anooto Cajiichaana wwä miide weduuto nönge yeichö; miide weduuto ’quene tooni anoototo nönge na chäwwä.

APOOCADIISI 21:4

Töwö Wanaadi nichocca’de tameedä chäänacuuducoomo. Wäämanä ’je’da na’de yaawä, wentumje weiñä ’je’da mmaja; waamonä ’je’da na’dede, se’neiñe weiñä ’je’da mmaja, awa’deenato weiñä wataame’jödö weijäcä; quee cönäätaacä a’deu.