DOSECHO 3:13 - Wanaadi A'deddu

¹³ Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 3:13 ပူးပေါင်းရင်းမြစ်များ

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 20:19

Judhíojöncomo wwäiñe nu’aato’de yaawä enno’jätöödö wetä chäwwäiñe, aiju’jätöödö wetä mmaja, cuduusa jäcä ajoijodö wetä mmaja. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

MATEO 22:32

“Öwö ñäädä Aawadán Wanaadiyö, Isaaca Wanaadiyö mmaja, Jacoowo Wanaadiyö mmaja;” quee cönä’döaacä Wanaadi. Ñanno Aawadán töwä’jajo’jocoomo weichaame nudä naato. Dha’da ei’jo Wanaadi chäädhajootoncomooje ätä’tä’da eichöne’; quee cönä’döaacä Jesuuquidiito saadhuseeo wwäiñe.

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MAADOCO 15:11

Yaawä ñanno Wanaadi wwä töwa’deuwaamo edhaajotoncomo soto cöni’jedoicho, Wadaawa u’cajoodö wetä Pidaato wwä.

DUUCA 22:57

Töwö Peedhodo cöneejome’däi yaawä; cönä’döaacä: —Yoowanoojönö ñäädä mecammaadö; quee.

DUUCA 23:4

Yaawä Pidaato cönä’döaacä Wanaadi wwä töwa’deuwaamo edhaajotoncomo wwäiñe, soto wwäiñe mmaja: —Conemjönö määdhä nödö’jödö aneejodö’da weiya; quee cönä’döaacä.

DUUCA 6:37

“Ajimmotoncomo mma manemmencatäi’che, Wanaadi wwä mma mätämmencajooto’node änwanno. Anejja chäänöngemjönööje mane’tätäi’chede, yääje mmaja mätä’täjooto’node Wanaadi wwä. Conemjönö äjääcäiñe ajimmotoncomo nödöödö tönencwanno’joone eichäcä, ocoone’nadiiyöcoomo ätäncwanno’joiyede.

JUAN 12:16

Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 18:40

Yaawä tameedä tönwanno cöncä’tömjä’a’to: —Ñäädäjöönööne; Wadaawaane u’cacä; quee cönä’döa’to. Ñäädä Wadaawa cönä’jaacä tämeenato’jödö.

JUAN 19:11

Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

JUAN 19:12

Yäätonno Pidaato cöntö’tajäätöi u’ca’se, töwäädä judhíocoomo jooje cöncä’tömjä’a’tone’ yaawä. Tönwanno cönä’döa’to: —Määdhä äwwä u’ca’jäcä acu’shänä sotoije’da ma yaawä. Ñäädä cajiichaanajaato wätä’tädö acu’shänä tu’dedö ñäädä; quee cönä’döa’to judhíocoomo.

JUAN 19:15

Tönwanno cöncä’tömjä’a’to yaawä: —Emaajocä; emaajocä. Cuduusa jäcä ajoijojoocä; quee. Yaawä Pidaato cönä’döaacä chäwwäiñe: —¿Aaquene mmaja acaajichaanaichomo mmädä cuduusa jäcä wanaajoijojoodö deeade’ ? quee cönä’döaacä. Ñanno Wanaadi wwä töwa’deuwaamo edhaajotoncomo cöneccujä’a’to yaawä: —Anejja ñaa cajiichaanaije’da na, ñäädä acu’shänä mma; quee cönä’döa’to.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

DOSECHO 22:14

Yaawä töwö cönä’döaacä öwwä: “Ñäädä cadai’choncomo Wanaadiyö jenaadä adhe’täne töwoije tödööneije aweichö wetä, ñäädä aashichaato eneedö wetä mmaja äwwä, dha’deddu etaadö wetä mmaja.

DOSECHO 24:14

Edääje mmaane wäänene: Yaadaichö Wanaadiyööcomo woije wäänene, eduuwaato weichojo wä’dödö nönge, yää chäänöngemjönööje töne’tä weneenetoodö. Öwö wecaanö’a tameedä jenaado’jä waanontänä, Wanaadi wa’deuwödö ecammannamo nimenno’jocoomo mmaja.

DOSECHO 3:12

Yaawä töwwadäädäiñe soto weejödööcomo eneea’jäcä, Peedhodo cönä’döaacä chäwwäiñe: —Änwanno iisadaaediitacoomo, ¿ane’que’nei määcatoncaato? ¿Ane’que’nei mädä wa’cä ñaa mene’maato, ñaa jäduudu que määdhä adonca’jödööjönö? Töjäädudu que’da ñaa nejoimajoi, Wanaadi owaadäädä aashicha ñaa weichö que’da mmaja.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOSECHO 7:32

“Öwö ñäädä adhaadai’choncomo Wanaadiyö, Aawadán Wanaadiyö, Isaaca Wanaadiyö mmaja, Jacoowo Wanaadiyö mmaja;” quee cönäätaacä. Moisé cöntätä’nöngacä; ene’se’da cönä’jaacä yaawä.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.