DOSECHO 3:1 - Wanaadi A'deddu

¹ Yaawä Wanaadi weichojo taca Peedhodo cöntaacä Juan acä; anunnaque yei’jeje cönä’jaacä, Wanaadi wwä wa’deutojo cu’nädö awä.

DOSECHO 3:1 ပူးပေါင်းရင်းမြစ်များ

MATEO 17:1

Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, dhacoono Juan mmaja; töjääcäjeeneiñe cöntonto jöö cawooto de’cäi.

MATEO 26:37

Töjaadä cönaadäi Peedhodo, Seewedheeo nnacoomo aaco’como mmaja. Cone’da cönä’döjoi yaawä; wentumje cönä’jaacä jooje.

MATEO 27:45

Yaawä anunnaque yeichö tameedä nono weichö wa’cä cöntööjamöi, i’ya’wä tödööene.

DUUCA 1:10

Yaawä Saacadía womonga’jäcä, tameedä soto tujuumä cönä’ja’to jödo’na, Wanaadi wwä wa’deunäje, juu shimi’jotoojo yau’cwatoojo cu’nädaawä.

DUUCA 18:10

—Aacä dhanwaacomo Wanaadi weichojo taca cönoomomöicho, Wanaadi wwä a’deuwe. Tooni cönä’jaacä jaadiseeo. Yeichacoono mmaane cönä’jaacä acu’shänä jödaatai i’jummanei mmädä.

DUUCA 22:8

Yaawä Jesuuquidiito cönaanontoicho Peedhodo, Juan mmaja; cönä’döaacä chäwwäiñe: —Ojoncomo; Weja’dätä’jä anootoi’chädö awä cöwääwashinchoto’como choonecaatantäcä; quee cönä’döaacä.

DUUCA 24:53

Wanaadi weichojo taca töweiye cönä’ja’to Wanaadi wwä aashicha wa’deunäje. Amén.

JUAN 21:7

Yaawä ñäädä Jesuuquidiito nijummadö cönä’döaacä Peedhodo wwä: —Owaanomaanei chajaane mä’dä; quee. Peedhodo wwä Jesuuquidiitoje yeichö eta’jäcä töwö cöneewontäi yaawä töwoomö de’wono awä, töwonque’da toweijäcä. Töwö cöne’duccai yaawä na’cwaca.

DOSECHO 10:3

Yaawä anunnaque yei’jeje yeichö Wanaadi amoodedö cönäänejoi chäwwä; yöiña cönoomomöi; cönä’döaacä: —Conneediyo; quee.

DOSECHO 10:30

Yaawä Conneediyo cönä’doaacä: —Aacäichea anooto na eduuwa ye’saca wei’jödö wäänemaanäje; eduuwa naadöje cönä’jaacä. Wanaadi wwä wa’deunäje wä’jaaquene, cho’momöödö waadäi tödöödö töweiye naichöje. Yaawä dhanwa cönäänejoi öwwä, tajääde’dato awä.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 3:3

Yaawä Wanaadi weichojo taca Peedhodo, Juan womoomödööcomo eneea’jäcä ñäädä secumjato cöne’ca’acä jödaata chäwwäiñe.

DOSECHO 3:4

Yaawä Peedhodo, Juan cöneene’ma’to ñäädä secumjato; Peedhodo cönä’döaacä chäwwä: —Ñaa ene’macä; quee.

DOSECHO 4:13

Ñanno soto cajiichaanaichomo cöneeta’jöjäätöicho yaawä jäduuje Peedhodo, Juan wa’deuwödööcomo eta’jäcä. Tönwanno dhowaanäcäiñe cönä’jaacä Peedhodo jooje oowanooma’da yei’jocoomo. Yaawä Jesuuquidiito jadoncomo’jödööje yeichöcoomo cöntö’tammecöicho.

DOSECHO 5:25

Yaawä dhanwa cönä’döi yöiñaiñe; cönä’döaacä: —Ñanno dhanwaacomo mujiiyatoodö Wanaadi weichojo taca naato, soto owaanomaadöcoomoje; quee cönä’döaacä.

DOSECHO 8:14

Yaawä anonta’como Jeduusadén ñancomo cöneeta’to aashicha Wanaadi a’deddu ecammajäätödö eta’jödö Samaadiya ñancomo wwä; yääje yeijäcä iiña cönaanontoicho Peedhodo, Juan mmaja.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.