DOSECHO 28:20 - Wanaadi A'deddu

²⁰ Yääje yeijäcä mana’dejjato öwö, adheenedööcomo wetä, äwwäiñe wa’deuwödö wetä mmaja. Öwö jedeesoje wa jönaawä mmädä, töneecanö’e weijäcä Wanaadi necamma’jödö, yää tameedä iisadaaediitacoomo mmaja necaanö’aatoodö dea; quee cönä’döaacä Paudo ñanno judhío Dooma ñancomo wwäiñe.

DOSECHO 28:20 ပူးပေါင်းရင်းမြစ်များ

DOSECHO 10:29

Yääje yeijäcä, äwwäiñe ya’dejja’jäcä wäämu’däjä’ancädä’da sadä we’ne. Edääje adheecamma’jo’seiñe wa eduuwa: ¿Ane’que’nei cäne’joto sadä? quee cönä’döaacä Peedhodo.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 21:33

Yaawä suddau edhaajotoncomo cöntämä yoiñaiñe; töwö Paudo cömmöjoojätöi aacä cadheena que, jedeesoje adäädö wetä. Töwö Paudo cöneecamma’joi: —¿Änääcö amäädä? ¿Ane’cäämö mödöi? quee cönä’döaacä.

DOSECHO 23:6

Töwö Paudo dhowaanäcä cönä’jaacä dhantai ñanno äcämma’jonnamo saadhuseeoje yeichöcoomo, dhantai jaadiseeoje yeichöcoomo mmaja. Yääje yeijäcä töwö cönä’döaacä chäwwäiñe: —Änwanno jimmä, jaadiseeo öwö, jaadiseeo nnedö mmaja. Eduuwa maamincha’se maato yäämaajo jonno waadoncanä töneecanö’e weijäcä; quee cönä’döaacä.

DOSECHO 24:15

Öwö Wanaadi wecaanö’a canno necaanö’aatoodöje mmaja; yä’ja’a’como töwaadonca yeichöcoomo wecaanö’a dea, ñanno aashicha’como, conemjöncomo mmaja.

DOSECHO 26:29

Paudo cönä’döaacä yaawä: —Eduuwa mmädä jeiñe mma, äcuude’cä jeiñe mma, chäänönge mmaja. Yaawääne’, öwö waadöje mmaja awei’she wa, jedeesoje’da mmaane. Amäädä mmajöönö yääje awei’she wa, tameedä canno eduuwa ya’deddu netaatoodö mmajaane; quee cönä’döaacä Paudo.

DOSECHO 28:17

Yääje mma yaawä aaduwaawä anooto yä’döa’jäcä Paudo cöna’dejjaicho ñanno judhío Dooma ñancomo, täneejuca’como dea mma. Ye’jumma’comjäcä Paudo cönä’döaacä chäwwäiñe: —Jimmä, judhío jäcäiñe conemjönö ännö’da weichaame, cadai’choncomo wätunnäichomo jäcä cone’da a’deuwö’da weichaame mmaja, Jeduusadén ñancomo yu’neto domaanocoomo wwä, jedeesoje yöödödö wetä yaawä chäwwäiñe.

EUJEESIYO 3:1

Yääje yeijäcä öwö Paudo Wanaadi wwä ya’deuwa; öwö jedeesoje wa äjääcäinchädäiñe, änwanno judhíojöncomo, Jesuuquidiito töneecanö’e weichö jo’tädööje.

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

EUJEESIYO 6:20

Yää wätunnä ecammajä’neije weichö wetä Wanaadi yaanontäne, ijo’tädööje jedeesoje waadö. Wanaadi wwä e’ca’täcä tösaade’da neecammajo’tojo, töweiye naichöje deaane.

JIDIIPENSE 1:13

Tacaade na eduuwa tameedä waadiya wwäiñe ñanno acu’shänä mmai chawoncomo, anejjacoomo eetoncomo wwä mmaja, Quidiito ecamjödö jäcäinchädä jedeesoje weichö.

CODOOSENSE 4:18

Öwö Paudo dea edä yä’catoojo wimenna. Jedeesoje weichö jäcä mma ätö’taque’täi’che. Wanaadi nutuudu aashichaato äwwäiñe yei’she wa. Amén.

2 TIIMOTEO 1:10

Eduuwaane töwö cujummatäiñe töweichö cöneenejoi Cäwaanacaaneichomo Jesuuquidiito wäänejoodö que. Töwö Jesuuquidiito wäämanä cömjäduucai; aashichaato wätunnä ecammajäätödö que töwö cöncatu’nacaajoi töwä’camjönö weiñä, yää yeichöödoto.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

JIIDEMÓN 1:10

Edääje wä’dö’se wa äwwä mä’dä önnedö Onéesimo jäcä, jedeesoje weichö quedeiyenteje önnödö.

JIIDEMÓN 1:13

Jaadä dea tödö’se waadö’je aashichaato wätunnä jo’tädööje jedeesoje weichö wadaadäädä ö’wa’täneije, amäädä eijai maadöjaatoje.