DOSECHO 28:2 - Wanaadi A'deddu

² Ñanno yää de’woncomo aashicha ñaa döneeto. Tönwanno jooje wa’to cönqueme’toicho cämme yeijäcä, conoojoje yei’jödö weijäcä mmaja. Tönwanno ääsunuue ñaa a’dejjaneeto yaawä.

DOSECHO 28:2 ပူးပေါင်းရင်းမြစ်များ

MATEO 10:42

Ñäädä tooni sunuuji’chä mmädä mäccö mmädä wocöödö u’nei’jödö töweiye na’de chääje’jödö, öwö sootoije yeichö jäcäinchädä u’a’jäcä; quee cönä’döaacä Jesuuquidiito tönoowanoomadö wwäiñe.

JUAN 18:18

Cämme yeijäcä ñanno dhanoonöcoomo mmaja, suddau mmaja, wa’to cönemjannoicho; yää dö’tä cönä’ja’to wääsunuunäje. Peedhodo mmaja chääjadäiñe cönääsunuua’dea.

DOSECHO 27:3

Yää jenamma naadöje ñaa cönaajäi yaawä Sidhón ña. Ñäädä Juudiyu aashicha Paudo cönnöi. Töwö chäwwä cöneecammai ijimmä döiñaiñe iichotoojo, i’wa’tädö wetä chäwwäiñe.

DOSECHO 28:3

Yaawä Paudo wa’to cöni’jummaacä; ya’tädaawä chäwwä äcääyu cöneeja’cai yää antai, ta’nato e’nei. Paudo cöneecai yaawä dhamäädö jäcä.

DOSECHO 28:4

Äcääyu wwä eecadö eneea’jäcä ñanno yää antadö de’woncomo tönwannoje dea cönä’döa’to: —¿Soto emaanei’chaane mä’dä? Töwö nääwanaacai na’cwacanno; yääje yeichaame eduuwa Wanaadi woije nääma äcääyu canaadöje; quee cönä’döa’to.

DOMAANO 1:14

Öwwä tödööemö töweiye na sotooja’como jäcäiñe, sotoojemjöncomo jäcäiñe mmaja, towaanojo’na’como jäcäiñe, towoinchado’como jäcäiñe mmaja.

DOMAANO 14:1

Aashicha ajaadäiñe tödöötäcä ñäädä ecamjödö jäcä jäduujemjönö; ñeecamjödö jäcä chääjadä mätäccujä’täi’che.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 2:27

Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

1 CODINTIYO 14:11

Yaawääne’ anejja a’deddu aneeta’da weiya’jäcä anejja nönge wa yaawä ñäädä töwa’deuwemö wwä, töwö anejja nönge mmaja eijai ñaa dea öwwä.

2 CODINTIYO 11:27

Jooje töweetadaawa’cajo wäänene, töwäntunaanö’e mmaja. Aneedawä öncö’da coijaicho tömja’do’jo wäänene wetaadawa’cajoonäje. Ämi töiñetunca wäänene dea, emjätö’se weiñä mmaja; töwäänema mmaja wäänene dea, cämöi töiñetunca mmaja, töwonque’da weiña mmaja.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

EEWEDEO 13:2

Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.