DOSECHO 27:43 - Wanaadi A'deddu

⁴³ Chäädhajootoncomo mmaane, ñäädä Paudo edai’chäneije cönä’ja’dö, ñanno jedeesoja’como ämja’jo’daiñe cöneiya’to chäwwäiñe, Paudo emaajo’se’da töweijäcä. Töwö cönä’döaacä: —Töjääna’como ne’duca’ña’to awa’de na’cwaca, nono ejoodöiyeto.

DOSECHO 27:43 ပူးပေါင်းရင်းမြစ်များ

DOSECHO 23:10

Jooje’cä yaawä cönäätäccujä’a’to; yääje yeijäcä ñäädä suddau edhaajotoncomo tösaade cönä’jaacä, Paudo ajääcä’jä’aatäi chäwwäiñe. Yääje yeijäcä töwö suddau cönaanontäi yaawä soto antawonnoiñe Paudo u’cadö wetä, waadiya weicho’como taca adäädö wetä yaawä.

DOSECHO 23:24

Paudo wötootojo änu’täcä’de cawaayu. Aashicha adäätäcä’de Jeedi wwadäädä, ñäädä acu’shänä; quee cönä’döaacä suddau edhaajotoncomo tösootoi wwäiñe.

DOSECHO 27:11

Yääje Paudo wä’dö’jödö weichaame suddau edhaajotoncomo aneeta’da cöneiyacä dha’deddu. Töwö cöneetai jidaawa edhaajä a’deddu, jidaawa e’se’tänei a’deddu mmaja.

DOSECHO 27:3

Yää jenamma naadöje ñaa cönaajäi yaawä Sidhón ña. Ñäädä Juudiyu aashicha Paudo cönnöi. Töwö chäwwä cöneecammai ijimmä döiñaiñe iichotoojo, i’wa’tädö wetä chäwwäiñe.

DOSECHO 27:31

Yaawä yä’tädaawäiñe Paudo cönä’döaacä suddau wwäiñe, chäädhajootoncomo wwäiñe mmaja: Canno wöta’comjäcä änwanno ääwanaaca’da meichantäi’che; quee cönä’döaacä.

DOSECHO 27:42

Yaawä ñanno suddau töja’jo’seiñe cönä’ja’to jedeesoja’como, “Na’cwaca mma ääneje’noto;” quee töucwadööcomooje.

2 CODINTIYO 11:25

Aaduwaawäde chäwwäiñe wataiju’jojo’ne dee que; tooniye täju que yeewojoojo’ne. Aaduwaawäde önnadööne; aneedawä na’cwaca wä’jaaquene tooni anooto, tooni coijaicho mmaja, tuna de’wä wötäänäje, tucuudiyaadaiche’da, nono ejoodöjai’cha mmaja.