DOSECHO 27:23 - Wanaadi A'deddu

²³ Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 27:23 ပူးပေါင်းရင်းမြစ်များ

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

DOSECHO 12:23

Yaawä jadheedä Cajiichaana Jesuuquidiito amoodedö Edoodhe cöncädäi’ñäi, Wanaadije töwei’she yeijäcä. Töwö cönäämai yaawä acö otööcomooje.

DOSECHO 16:17

Ñäädä ajei’choto’jaato Paudo ncäcä töwäämannä’e cönä’jaacä, ñaa ncäcä mmaja. Töwö töcä’tömjä’e cönä’jaacä: —Wanaadi o’jodhaato anoonö canno dhanwaacomo. Tönwanno wääwanaacatoojo necammaato äwwäiñe; quee töwä’döe cönä’jaacä soto wwäiñe.

DOSECHO 18:9

Yaawä Paudo wäneetödö ai Cajiichaana cönä’döaacä chäwwä: —Tösaade’da eichä; ecammajäätödööje dea eichä’de, mane’nomjai’che.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

DOSECHO 8:26

Yääje mma yaawä Cajiichaana amoodedö cöna’deuwöi Jediipe wwä; cönä’döaacä: —Ääma’täcä; äjääne shii weja’catoojo suda’wawä, Jeduusadén ñanno Caasa ñano wötäädö tai; quee cönä’döaacä amoode chäwwä. Yää äämä jata ’jemjönö chäcoono wötäädö.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

2 TIIMOTEO 1:3

Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

2 TIIMOTEO 2:24

Cajiichaana anoonö wätäccujä’na jäcä eijai’cha na; ta’cwaiñe mmaane eijai ña tameedä soto jäcäiñe. Soto owaanomaadö dhowaanäcä eijai ña töwö; äätömaacoije’da mmaja eijai ña dea.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.