DOSECHO 26:24 - Wanaadi A'deddu

²⁴ Yääje Paudo wa’deuwa’jäcä Jeetu töcä’de cöncä’tömöi: —Tö’jeta ma Paudo. Jooje owoowanoomadö ä’jeda; quee cönä’döaacä.

DOSECHO 26:24 ပူးပေါင်းရင်းမြစ်များ

MAADOCO 3:21

Yää eta’jäcä Jesuuquidiito jimmä wwäiñe tönwanno cöneejoto yöiña adäädö wetä, tö’jeta töwwäiñe Jesuuquidiito tö’tadö weijäcä.

JUAN 7:15

Ya’deuwödö etaadö’jo judhío cöneeta’jöjäätöicho; cönä’döa’to: —¿Aaquene mädä wa’cä towaanojo’ne määdhä nai, töwö oowanooma’da töwei’jödö weichaame? quee cönä’döa’to.

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 22:1

—Änwanno jimmä, inchoncomo mmaja, etaatäcä eduuwa äwwäiñe wa’deuwödö; quee cönä’döaacä Paudo

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOSECHO 24:27

Aacä wedu cöneeja’dätäi yaawä; yää ’jeje Poosiyo Jeetu cöneewaacaicho acu’shänääje, Jeedi emeetacaanoje. Ñäädä Jeedi acu’shänääje töweichö jonno töwäätu’cadaawä judhíocoomo a’cwaima’se cönä’jaacä; yääje yeijäcä jedeesojeedä Paudo cönnämäi.

DOSECHO 26:11

Aneedawä quedeiyentecoomo tömmaminchaiñe töweiye wä’jaaquene ye’jummato’como waadäi, quedeiyenteje yeichöcoomo e’nomjajoodö wetä. Jooje cone’da töweiye wä’jaaquene chääjäcäiñe, imaaminchadööcomo wetä anejja jataaca töötääne.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

2 CODINTIYO 5:13

Tö’jeta ñaa weiya’jäcä Wanaadi wwonooje mädääje ñaa na. I’jeta’da ñaa weiya’jäcä mmaane äwwoncomooje mädääje ñaa na.

2 TIIMOTEO 3:15

Mude’cä’cäje aweichö jonnoto’jödöödä Wanaadi a’deddu odhoowanääcä na. Yää Wanaadi a’deddu asejje’täjai ña, adhe’se’täjai ña dea äwääwanaacatoojo wwadäädä, Jesuuquidiito ecamjödö jadä tödööa’jäcä.