DOSECHO 26:11 - Wanaadi A'deddu

¹¹ Aneedawä quedeiyentecoomo tömmaminchaiñe töweiye wä’jaaquene ye’jummato’como waadäi, quedeiyenteje yeichöcoomo e’nomjajoodö wetä. Jooje cone’da töweiye wä’jaaquene chääjäcäiñe, imaaminchadööcomo wetä anejja jataaca töötääne.

DOSECHO 26:11 ပူးပေါင်းရင်းမြစ်များ

MATEO 10:17

Äädai’chätääcä’de soto jäcäiñe. Tönwanno ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

MAADOCO 3:28

“Chäänönge yääje wä’döa äwwäiñe, tameedä soto cone’nadiiyöcoomo ätäncwanno’jojai ña, tameedä cone’da ya’deuwödööcomo mmaja.

DUUCA 15:17

Yääje mma yaawä töwö towaadäädä cönä’döi; edääje cöntö’tajä’acä: “Jaaja sotoi jadä’jödöödä chääwanshiñööcomo töwäädetööene weneene, öwö ämi awä wäämataame eetä.

DUUCA 21:12

“Tameedä mädä owaajo soto adhaajäiyato’de amaaminchadööcomo wetä. Töwe’jummato’como taca adhaadäaato’de, adheecamma’jojäätödööcomo wetä. Tönwanno jedeesoje ayöödöaato’de. Cajiichaanacoomo wwadäädä adhaadäaato’de, acu’shänä wwadäädä mmaja, sootoije aweichöcoomo jo’tädööje.

DUUCA 6:11

Ñanno jaadiseeo cönäätömaicho yaawä jooje. Tönwannoje dea cöna’deuwa’to töwwäiñe Jesuuquidiito emaatojo jäcä.

DOSECHO 13:45

Yaawä jooje soto we’jumma’como eneea’jäcä ñanno judhío Paudo cöni’ñeimma’to. Tönwanno cönaajäntoicho dha’deddu eccujäätödö, chimmajäätödö mmaja.

DOSECHO 18:6

Ñanno judhío eta’se’da cönä’ja’to; Wanaadi a’deddu cönquiiñeme’ca’to. Yääje yeijäcä Paudo töwoomö cuntu’majäätöi, choojonnoiñe töötädö ene’ju’tojooje. Töwö cönä’döaacä chäwwäiñe: —Owoijeiñe dea mä’ja’aato’de, öwö woijatooje’da. Eetonno wöta eduuwa judhíojöncomo wwadäädäiñe; quee cönä’döaacä Paudo chäwwäiñe.

DOSECHO 22:19

Edääje wä’döaaquene yaawä: “Cajiichaana, tönwanno dhowaanäcäiñe öwö wei’jödö, we’jummatoojo waadäi töwoomonge wei’jödö jedeesoje tödöödöcomo wetä tameedä adheecanö’nnamo, aiju’jätöödöcoomo wetä mmaja.

DOSECHO 22:5

Wanaadi wwä töwa’deuwaamo edhaajotoncomo, tameedä inchoncomo mmaja dhowaanäcäiñe na yääje wei’jödö. Tönwanno dea jajeeda imennaajä cuntuicho öwwä cöjimmotoncomo judhío Damaacu ñancomo wwadäädä immenno’jocoomo. Damaacu ña öötädö cönä’jaacä yaawä quedeiyentecoomo ujiiye, Jeduusadén ña eneejödööcomo wetä yaawä, imaaminchadööcomo wetä.

DOSECHO 9:1

Yaawä Saudo quedeiyente maminchadööcomooje dea cönä’jaacä, tämaane’jödöödä. Töwö cöntämä Wanaadi wwä töwa’deuwaamo edhaajotoncomo döiña.

SANTIYAACO 2:7

¿Ñanno dea jönca Quidiito jäcä cone’da töwa’deuwe weneeneto, ñäädä tönontäämö, chäätö joi tä’tä maatoodö?

2 PEEDHODO 2:16

Töwö cönäätäujoi conemjönö tönnö’jödö jo’tädööje. Odoocojaato ta’deudemjönö soto a’deucwe cöna’deuwöi chäwwä. Mädääje ñäädä Wadan ’jedö cöneedennanö’joi.