DOSECHO 25:7 - Wanaadi A'deddu

⁷ Paudo wä’döa’jäcä ñanno judhío Jeduusadén ñancomo wä’döa’como cönaawodhentoicho yaawä. Tönwanno jooje Paudo cöneementa’to conemjönö jäcä; chäänöngato jaiñoone a’que cönä’jaacä dha’dedducoomo.

DOSECHO 25:7 ပူးပေါင်းရင်းမြစ်များ

MATEO 15:1

Yaawä Jesuuquidiito döiña cöneejoto anejjacoomo jaadiseeo, judhío owaanomannamo mmaja, Jeduusadén ñancomo we’a’como. Tönwanno cönä’döa’to:

DUUCA 23:10

Yäätä cönä’ja’to dea Wanaadi wwä töwa’deuwaamo edhaajotoncomo, judhío owaanomannamo mmaja; tönwanno jooje Jesuuquidiito cöneementa’to.

DUUCA 23:2

Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

DOSECHO 21:28

töcä’de cöna’deuwa’to; cönä’döa’to: —Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

DOSECHO 24:13

Mädä öwö jääcä canno na’deuwaatoodö chäänöngemjönö mädä.

DOSECHO 25:24

yaawä cönä’döaacä: —Amäädä cajiichaana Aaquidiipa, änwanno mmaja eetä ñaa jadä awe’jumma’como maatoodö: Määdhä ñäädä dhanwa judhío chääjäcä töwa’deuwe weneenetoodö, Jeduusadén ñancomo, Seesadeea ñancomo mmaja. Tönwanno yäämatoojo tuncu’nä’tä weneeneto.

1 TEESADOONISENSE 2:16

Tönwanno ñaa wwä aneecammajoojätö’da weneeneto judhíojöncomo wwä, yääwanaacadööcomo queiñe. Mädääje jooje’cä mma töcoone’nadiiyöcoomo nejannä’caato. Eduuwa Wanaadi wwä töwäätä’maminchajoomöje naato.