DOSECHO 25:10 - Wanaadi A'deddu

¹⁰ Yaawä Paudo cönä’döaacä: —Chäänönge dajaane eetä yeecamma’jojai ma, acu’shänä necamma’jotoojo tacaane. Amäädä odhoowanääcä na judhío jäcäiñe conemjönö ännö’da weichö.

DOSECHO 25:10 ပူးပေါင်းရင်းမြစ်များ

MATEO 27:18

Töwö yääje cönä’döaacä towaanäcä yeijäcä tö’neniiyöcoomoje Jesuuquidiito utu’jödööje yeichö.

MATEO 27:19

Yaawä äcamma’jonei a’täi ye’wä Pidaato weichö ijiiñamo tanoonö cönaanontäi yöiña, edääje ecamma: “Conemjönö männöi’che ñäädä dhanwa aashichaato jäcä. Wäänetöödö ai weneeanä, cone’da wä’jaanä jooje;” quee ecamma.

DOSECHO 23:29

Yoowanääcä wödööne yaawä töwäätunnäichomo jäcä mma yääje ya’deuwödööcomo. Ijo’tädööje emaatojo ’je’da cönä’jaacä, jedeesoje tödöötojo ’je’da mmaja.

DOSECHO 25:17

Yaawä tönwanno ye’a’comjäcä numa onwomoocö’da weiyaqueene. Yää jenamma naadöje mma ecamma’jotoojo taca waatajiima’jäcä Paudo wene’jone yaawä.

DOSECHO 25:25

Öwö mmaane iiñödö aneedantä’da weiyaqueene yää ijo’tädööje emaatojo. Töwö dea cöne’catäi acu’shänä Awuutu döiña töötotoojo; yääje yeijäcä ñäädä wwadäädä wenno’ja’de.

DOSECHO 25:6

Amoojadä mma Jeetu cönnöcöi Jeduusadén ña; Seesadeea ña cöntämä yaawä. Yääwä yää jenamma naadöje äcamma’jonei a’täi ye’wä töwaatajiimadö’jo töwö Jeedi Paudo cöna’dejjajoi yaawä.

DOSECHO 26:31

Töudäje cöntonto yaawä yää jäcä töwa’deuwödööcomo wetä. Edääje cönä’döa’to tönwannoje dea: —Määdhä dhanwa conemjönö iiñö’jödö ’je’da na. Emaatojo ’je’da na; jedeesoje’jödöödä eijai’cha na; quee cönä’döa’to.

DOSECHO 28:18

Yaawä domaanocoomo wwä yeecamma’jojä’a’jäcä, tönwanno yu’ca’se cönä’ja’to, yeemajai’cha töweichomjäcä, conemjönö tödö’jödööjönö öwwä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.